Visumimut malittarisassat
- Nunani avannarlerni innuttaasut Kalaallit Nunaannut angalanissaminnut visumeqartariaqanngillat.
- Danmarkimut visumeqaraanni taanna Kalaallit Nunaannut automatiskiusumik atorneqarsinnaanngilaq. Udlændingestyrelsen (nunanit allaneersunut nunasiniartunut aqutsisoqarfik) visumimut piumasaqaatissatit uppernarsarneqarnissaannut attaveqarfigineqassaaq.
- Atuuttumik visumeqartinnak angalaguit Air Greenlandip ikilerninni itigartissinnaavaatit angalallutillu ingerlaqqinnissat akisussaaffiginagu.
Pas aamma kinaanermut uppernarsaat
- EU-mut ilaasortaasumit nunamit aallaruit Kalaallit Nunaannut isernissamut pasimik nassassaatit.
- Angalanerpit nalaani tamatigut kinaaninnik uppernarsaateqartuaannassaatit taamaattumillu assitalimmik uppernarsaateqassaatit atuuttumik peqassallutit, soorlu ass. pasimik.
Takukkit sumi naalagaaffimmi nunaqartut visumeqaqqusaanersut uani Ny i Danmark.
Visum pillugu paasissutissat sukumiinerusut takuneqarsinnaapput uani Udenrigsministeriet.
Pituffik Space Base-mut (Thule Air Base) aqqusaarnissamut akuersissut
Qaanaamut imaluunniit Qaanaamit Pituffik Space Base aqqusaarlugu angalaguit tamatigut aqqusaarnissamut akuersissummik nassassaatit – apeqqutaatinnagu aqqusaarnerup qanoq sivisussuseqarnera. Ilaasut akuersissuteqanngitsut nassatanik tunniussinermi itigartinneqassapput.
Sumi akuersissut pissarsiarineqassava?
- Innuttaasut Kalaallit Nunaanni najugaqartut danskisut innuttaassuseqartut:
Kalaallit Nunaanni Naalagaaffiup Sinniisoqarfia
Indaleeqqap Aqqutaa 3
3900 Nuuk
Tlf. +299 32 10 01
www.rigsombudsmanden.gl
- Innuttaasut Danmarkimi imaluunniit nunami allani najugaqartut
Udenrigsministeriet
Asiatisk Plads 2, København
Tlf. +45 33 92 01 70
http://www.um.dk/
Malittarisassaqarluartoq ilaanni atuuttanngillat
Piffissami sivikinnerusumi imaluunniit sivisunerusumi akuersissuteqarnani Pituffik Space Basemiissinnaapput tulliuttuni allassimasut:
- Siornatigut Qaanaap Kommuniugallarmat tamaani innuttaasut inuit allattorsimaffianni allassimasumik najugaqarfeqartut.
- NATO-mi ilaasortat sakkutuui aamma taakku ilaqutaat.
- Inuinnaat USA-mit aallartitat, sulinerminnut atatillugu basemi suliassaqartut aamma taakku ilaqutaat.
- Danskit aamma kalaallit oqartussaasui sinnerlugit angalasut.
- Inuit danskit aamma Amerikami naalakkersuisuinit immikkut piginnaatinneqartut.