Nunani avannarliit arlaanni innuttaaguit, Kalaallit Nunaaliarnissamut visum-i piumasaqaataanngilaq.
Danmarkimut visum-eqaraanni, imaanngilaq tamanna Kalaallit Nunaaliarsinnaanermut aamma atuuttoq, taamaattumik udlændingestyrelsemut (nunanit allanit nunasiniartunut aqutsisoqarfik) paasiniaanissat pisariaqassaaq.
Visum-imik akuerisamik nassataqanngikkuit, Air Greenlandip timmisartumut ikinissamut itigartissinnaavaatit, angalaninnilu ingerlaqqinnissat aamma akisussaaffigissanagu.
Nunat sorliit visum-eqaqqaarluni tikinneqarnissamik pisariaqartitsinersut uani www.nyidanmark.dk -mi takusinnaavat.
Angalatillutit kinaassutsit uppernarsarsinnaasussaavat, taamaattumillu kinaassutsimut uppernarsaat assitalik nassartuassavat, assersuutigalugu pas-it.
Visum-imut paasissutissat sukumiinerusut uani takusinnaavatit Udenrigsministeriet »
Pituffik Space Base-mut akunninnissamut akuersissut
Qaanaamiit Qaanaamullu Thule Air Base (Pituffik Space Base) aqqusaarlugu angalassaguit, aqqusaarnerlu qanorluunniit sivikitsigigaluarpat, pinngitsoornak akunninnissamut akuersissummik nassataqassaatit. Akuersissummik nassanngitsut check-in -ernissamut itigartinneqassapput.
Malugiuk: Ataaniittoq ”Ingen regel uden undtagelse.” (”Maleruagassat ilaatigut atuutinngiffeqartarput”) takujuk.
Innuttaasut Kalaallit Nunaanni najugallit qallunaatullu innuttaassuseqartut:
Akuersissummik qinnuteqarfissaq:
Rigsombudsmanden i Grønland
Indaleeqqap Aqqutaa 3
3900 Nuuk
Oqar. +299 32 10 01
Imaluunniit ugguuna http://www.rigsombudsmanden.gl/
Innuttaasut Danmarkimi nunaniluunniit allani najugallit:
Akuersissummik qinnuteqarfissaq:
Udenrigsministeriet
Asiatisk Plads 2
København
Oqar. + 45 33 92 01 70
Imaluunniit ugguuna http://www.um.dk/
Maleruagassat ilaatigut atuutinngiffeqartarput
Ataani taaneqartut Thule Air Base-mi (Pituffik Space Base-mi) akunninnissamut akuersissummik peqarnatik sivikitsumik sivisunerusumilluunniit uninngasinnaapput:
- Innuttaasut Qaanaaq Kommuniusimasumi inuit allattorsimaffianni nalunaarsoqqasut
- NATO-mi sakkutuujusut taakkulu ilaqutaat
- Sakkutuujunngitsut USA-mit aallartitat, suliaminnut atatillugu sakkutooqarfimmiittut – taakkulu ilaqutaat
- Qallunaat kalaallillu oqartussaannut sinniisit
- Inuit qallunaat amerikamiullu naalakkersuisuinit immikkut pisinnaatitsissumik pigisallit