Nunat avannarliit
Nunani avannarlerni innuttaasut Nunani Avannarlerni angalanermi pas atortariaqanngilaat (Svalbard aamma Island kisiisa pinnagit). Taamaattorli kinaaninnik aperineqaruit tamatigut uppernarsarsinnaassavat.
EU-mi aamma Schengenimi angalanerit
EU-mi aamma Schengenimut ilaasuni angalanerni pasimik atuuttumik nassassaatit imaluunniit nunani tamalaani atuuttumik kinaaninnut uppernarsaammik EU-mi peqqussummik piumasaqaatinik 1157/2019-imiittunik naammassinnittunik nassassallutit.
Nunat Schengenimi ilaasut
Belgien, Danmark, Estland, Finland, Frankrig, Grækenland, Holland, Island, Italien, Letland, Litauen, Luxembourg, Malta, Monaco, Norge, Polen, Portugal, Schweiz, Slovakiet, Slovenien, Spanien, Sverige, Tjekkiet, Tyskland, Ungarn aamma Østrig.
Schengenimi ilaasuni angalanerit
- Nunani Schengenimi ilaasut akornanni angalanermi killeqarfimmi nalinginnaasumik nakkutilliisoqarneq ajorpoq.
- Taamaattorli pasimik imaluunniit nunagisanni atuuttumik kinaaninnik uppernarsaammik tamatigut takutitsisinnaassaatit.
- Letlandimi, Estlandimi aamma Frankrigimi tikinninni aamma aallalerninni kinaanermut uppernarsaammik takutitsissaatit.
- Angalasut tamarmik – aammattaaq meeqqat – kinaanerminnik uppernarsaasinnaassapput.
Isumaqatigiissut Schengen Europami nunat ilaasortat iluanni killilersorrneqanngitsumik angalasinnaanermik naleqqussaasuuvoq. Tassa nalinginnaasumik killeqarfinni misissuisoqarneq ajorpoq.
Taamaattorli inuit Schengenimi ilaasortani angalasut (meeqqat naalungiarsuillu ilanngullugit) tamatigut kinaanerminnut uppernarsaasinnaasariaqarput nunagisaminni atorsinnaasumik kinaanerminnik uppernarsaammik imaluunniit pasimik takutitsinermikkut.
Schengenip avataani angalanerit
Nunamut Schengenimi ilaasortaanngitsumut angalaguit imaaliortassaatit:
- Nassatanik tunniussinermi aamma timmisartumut ikilernermi pasimik takutitsissaatit.
- Air Greenlandip aamma taassuma suleqataasa Danmarkip aamma nunanut Schengenimi ilaasortaanngitsunut timmisartuussineranni tamatigut nassatanik tunniussinermi ilinnut tunngassuteqartunik paasissutissanik tunniussissaatit, ulloq inunngorfik, nunami sorlermi innuttaasuunermut, pasip normua il.il.
Tuluit Nunaat aamma Irland
- Nassatat annerpaamik 32 kg-mik oqimaassuseqassapput. Tamanna qaangerneqarpat timmisartukkut assartukkatut nassiunneqassapput.
- Qimmeq tappiitsup tasikumiagaa aamma qimmit ingiallortaasut timmisartup iluaniinnissaat inerteqqutaanngilaq.
- Uumasuutigisat timmisartup assartukkanut inissiisarfianeeqqusaanngillat, timmisartukkulli assartugassatut angallanneqarsinnaallutik/nassiunneqarsinnaallutik.