Dansk
English
Amerikami naalakkersuisut Secure Flight-program-iani (Isumannaatsumik angalanissamut najoqqutassiaanni) USA-mut USA-mit imaluunniit USA-mi akunninnermi, paasissutissanik aaliangersimasunik nalunaarsuinissaq silaannakkut angallassisartunut piumasaqaataavoq.
Taannalu Advanced Passenger Information (APIS) -itut ilisimaneqarpoq, tassani pineqarlutik suiaassuseq, ulloq inuuffik aammalu ateq, pas-inni allassimasup assigeqqissaagaa.
APIS-imut paasissutissat aallarfissaq kingusinnerpaamik nal.ak. 72-nik sioqqullugu tunniunneqariissapput, taamaanngippat timmisartumut ikinissaq itigartitsissutaasinnaavoq.
Bilitsi aallarfissaq nal.ak. 72-it ataallugit inniminniigaappat, APIS-imut paasissutissat inniminniinermut atatillugu tunniunneqassapput.
Redress-kontrolnormoqaraanni taanna inummut paasissutissanut ilanngullugu allanneqassaaq.
ESTA
Nunani visum-eqannginnissamik isumaqatigiissuteqarfiusuni innuttaasut, visum-eqarnatik USA-mut angalasinnaapput.
Tamannali ilassutaasumik angalanissamut akuersissummik peqarnissamik (ESTA) pisariaqartitsivoq.
Angalanissamut akuersissummik ESTA-mik peqanngikkaanni ilaasut USA-mi timmisartumut ilaaffissaminnut ikinissamut akuerineqarsinnaanngillat, tamannalu aamma USA-mut aqqusaaginnarnermi atuuppoq.
USA-mut isissagaanni, aallarfissaq kingusinnerpaamik nal.ak. 72-it sioqqullugu ESTA-mik qinnuteqareernissaq piumasaqaataavoq (angalanissamut akuersissut elektroniskiusoq).
Akuersissummik ESTA-mik peqanngikkuit, USA-mut tikinnermi nunamut isernissamut itigartitaasinnaavutit.
ESTA-mik qinnuteqarniaruit pas-i elektroniskiusoq pigissavat. Pas-it elektroniskit saavini takussutissamik naqinneqarput. Pas-it sorliunersoq nalornigukku, nunatsinni imaluunniit Danmarkimi oqartussat saaffigissavatit.
Angalasutut ESTA-mik qinnuteqarnissaq illit nammineq akisussaaffigaat
Una aqqutigalugu qinnuteqassaatit https://www.cbp.gov/travel/international-visitors/esta, akueritillugulu.
ESTA-mik akuersissutit tamatigut ukiunut marlunnut atuuttuusarput, imaluunniit pas-ip atuukkunnaarnissaanut killeqartarlutik.
Linki una atorlugu nunanut ESTA-mik piumasaqaateqartunut paasissutissat takusinnaavatit
https://www.dhs.gov/visa-waiver-program-requirements
Tatiginninnermut nalunaarut
Amerikami oqartussat immikkoortuata Transportation Security Administration (TSA) piumasaraat, atitit tamaasa, ulloq inunngorfiit aammalu suiaassutsit nalunaarutigissagitit, tamatumanilu una paragraf 49 U.S.C. artikel 114 i Intelligence Reform and Terrorism Prevention Act of 2004 aamma 49 C.F.R punkt 1540 aamma 1560 malillugit nakkutiginninnissaq siunertaralugu misissueqqissaarnissaq siunertaavoq. Redress-normoqaruit, pisariaqarpallu, taanna aamma nalunaarutigissavat.
Atitit tamaasa, ulloq inunngorfiit suiaassutsillu nalunaarutigineqanngippata, angallanneqarnissaq itigartitsissutigineqarsinnaavoq, imaluunniit oqartussat timmisartumut ikiartortarfimmut isernissamut itigartitsisinnaapput.
TSA atorlugu paasissutissat ilinnit pissarsiat politiinut imaluunniit isumannaallisaanermut oqartussanut allanulluunniit paasissutissanik systemit atorlugit avitseqateqatinut ingerlateqqinneqarsinnaapput.
TSA-p tatiginninnissamut politikkii imaluunniit paasissutissanik avitseqatigiittarnerit aammalu inuit namminiussusaannut qanoq sunniuteqarsinnaanerinut naliliinerit uani atuarsinnaavatit
Najugaq ineqarfiusoq
Kingusinnerpaamik check-in-erninni USA-mi najugassat siulleq nalunaarutigissavat – tamanna aamma USA aqqusaaginnassagaluarukkuluunniit atuuppoq.
USAmut isernermi maleruaqqusat nalinginnaasut
Nunanut allanut ministereqarfiup nittartagaani USA-mut isernermi maleruaqqusat nalinginnaasut Linki una atorlugu takusinnaavatit:
https://um.dk/rejse-og-ophold/rejse-til-udlandet/rejsevejledninger/usa