Canadamut angalanerit

Nunani allani innuttaasut, timmisartukkut Canadamut isernissamut imaluunniit Canadamik aqqusaarinnittut visum-eqannginnissamullu akuerisat, pinngitsoornatik Electronic Travel Authorization (eTA) atussavaat.

Canadamut isissaguit aallarfissat kingusinnerpaamik nal.ak. 72-it sioqqullugu eTA-mik (angalanissamut akuersissut elektroniskiusoq) qinnuteqareersimassaatit. eTA-mik peqarnak angalaguit, Canadamut tikinnermi nunamut isernissamut itigartinneqarsinnaavutit.

eTA-mik qinnuteqassaguit pas-i atuuttoq pigissavat. Pas-ilu eTA-mik qinnuteqarninni atukkat angalaninni nassassavat.

eTA-mik uppernarsaat ukiuni tallimani, imaluunniit pas-ivit atuukkunnaarnissaata tungaanut atuutissaaq, apeqqutaalluni sorleq nallerneqaqqaassanersoq.

Eqqaamajuk eTA-mik qinnuteqarnissaq taassuminngalu akuerisamik pissarsinissaq illit nammineq akisussaaffigaat.