Air Greenlandip SAS aamma Icelandair interline-mik isumaqatigiissuteqarfigai.
Angalaneq bilitsi ataaseq aqqut tamaat atuuttoq atorlugu pisarpoq. Interline bilitsisiniaraanni tikinnermiit ingerlaqqinnissamut timmisartup ilaaffigisassap aallarnissaanut sivikinnerpaamik minutsit 45-unissaat piumasaqaataavoq.
Immikkut nassatanut inniminniinissaq periarfissaavoq, malugeqquneqarporli Keflavik aqqusaarlugu angalanerni uummasuutinik nassarnissaq ajornarmat.
Interline bilitsi Air Greenlandip qarasaasiakkut inniminniisarfiatigut pisiaappat, immikkut nassatat Call Centerikkut immersugassaq atorlugu inniminneerneqarsinnaapput.
Interline billetteqaraanni nassatanik sinniisoqarsinnaanngilaq, timmisartuussileqatigiit allat kuffertit ataasiakkaat atorlugit niooqqutissaqartarmata, Airgreenland-milu kg-mut akiliisitsisarluta, taamaammat taakku atuussinnaannginnamik.
Angalaneq ullup ataatsip iluani pissappat timmisartullu tullianut piffissaq sivikinngerpaamik minutsit 45-iuppat, timmisartunut ikissutissaq aqqutaa tamaat atuutissaaq.
Aqqutaani unnuisussaagaanni, angalaqqilernermi illoqarfimmi akunniffimmi nassatanik tunniusseqqinnissaq pisariaqarpoq.
Interline bilitsimik allanngortitsineq
Bilitsinik allanngortitsineq taamaalaat pisinnaavoq, angalaneq tamaat allanngortinneqarsinnaasunik bilitseqaraanni, tamannalu kingusinnerpaamik aallarfissaq nal.ak. marluk sioqqullugu pissaaq.
Bilitsinut allanngortinneqarsinnaasunut maleruagassat qaqugukkulluunniit tunngavigineqarnissaat aalajangiisuussaaq.
Kinguartoortoqarpat suut atuuppat
Kinguaattoorneq imaluunniit taamaatitsineq pissappat, angalanermi timmisartuutileqatigiit angallassinermik kinguaattoortut attavigineqassapput.
Tassa Air Greenlandimut ilaalluni angalanermi kinguaattoraanni, bilitsimilu allaqqasutut ingerlaqqinnissamut timmisartoq inortortussanngorlugu, Air Greenlandip Call Centerianut attaveqartoqassaaq.
Kinguaattoornerlu Icelandair-imut imaluunniit SAS-imut ilaasussaatilluni pissappat, taakkunani kinguaattoortoq attavigineqassaaq.
Attaveqarnissamut paasissutissat:
Icelandair-imut attaveqarnissamut paasissutissat uani takuneqarsinnaapput:
https://www.icelandair.com/da-dk/support/kontakt-os/
SAS-imut attaveqarnissamut paasissutissat uani takuneqarsinnaapput: