Nuummiit angalaneq – Air Greenland

Check-in:

Nuummi mittarfimmi nutaami angalasussat aallannginnerminni nal. ak. marluk sioqqullugit takkuttarnissaat inassutigineqarpoq. Ilaasussat check-in-ereernerminni (nassataminnik tunniussereernerminni) erngerlutik security-kkut (isumannaallisaavik) iseqquneqarput. Kingusinaarluni tikinnermi imaluunniit kingusinaarluni security-kkut isernermi aallanngitsoortoqarsinnaavoq. Taamaattumik angalasussat piffissaalluarallartillugu mittarfimmut takkuttarnissaat inassutigineqarpoq.

Greenland Airports-ip check-in-imut malittarisassai uani annertunerusumik atuarsinnaavatit: https://airports.gl/check-in/

Nuummi Security-mit misissortittarneq:

Nuummi terminali nutaaq 24. juuni 2024-mi ammarpat isumannaallisaanermut suleriaatsit nutaat atuutilissapput. Tassalu angalasussat siunissami Nuummiit aallarniarunik piffissaalluarallartillugu takkuttassapput, angalasussat nunatsinni, Nuuk akimmiffigalugu nunanulluunniit allanut angalaniarunik isumannaallisaanermi misissortittartussaammata.

Danmark-imut tikkikkuvit:

Greenland Airports nalunaarpoq, Nuummi mittarfimmi isumannaallisaanikkut akuersissutit qaffasissusaat 2-miittoq, tamannalu novembarip 28-ata kingorna nunanut allanut mittarfittaaq atoqqaartinneqareerpat taamaaginnarallassasoq. Taamaammat Air Greenlandimiit angalasut Nuummiit imaluunniit Nuuk aqqusaarlugu nunanut allanut angalasut eqqumaffissaqarput:
- Apuuffissannut tikikkuit nalinginnaasumik tikittarfimmut niunak, toqqaannartumik nassatanik aallertarfiliaanneqassaatit.
- Apuuffissannut tikikkuit timmisartumillu allamik ingerlaqqissallutit, isumannaallisaanermik misissuivik aqqusaaqqittariaqarpat.

Greenland Airportsip naatsorsuutigaa aasaru 2025-mi One Stop Security isumannaallisaanerup iluani angussallugu, taannalu anguneqarpat angalasut ataasiaannarlutik isumannaallisaanermi misissorneqartassapput, aamma nunat aqqusaagassat arlaliugaluarpata.

Greenland Airportsip nittartagaani paasisaqarnerugit: https://airports.gl/kl-gl/sikkerhedskontrol/
 

Nuummut akunninnermi isumannaallisaanermi misissortittarneq

Nuummut akunninnermi angalasoq tikittarfimmut isissaaq, terminali aqqusaassavaa, isumannaallisaanermilu misissuisarfimmut ingerlaqqissaaq, aammalu timmisartumut ikiartorniarluni aallartarfimmut ingerlaqqissalluni.

Greenland Airports-ip security-mut malittarisassai aammalu qanoq iliortoqarnissaa nittartagaani uani annertunerusumik atuarsinnaavatit: https://airports.gl/sikkerhedskontrol/

Nuup Mittarfiani tigummiaannarlugit nassatanut sillimaffissat allat

Angalasussaq Nuup Mittarfiani isumannaallisaanermi misissortittussanngoruni pigisani tigummiannarlugit nassataminiitissinnaavai. Passimmiut, qitequtit skuulluunniit saviminertaqarpata peeqquneqarsinnaapput.

Malugeqquneqarpoq, suleriaasissaq Kangerlussuup mittarfiani suleriaatsimit allaanerussammat. Greenland Airports-ip nassatanut tigummiaannakkanut malittarisassiai uani annertunerusumik atuarsinnaavatit: https://airports.gl/sikkerhedskontrol/

Nuup Mittarfiani biilinut unittarfik

Nuup Mittarfiani biilit unittarfiat nutaaliaasumik periaaseqarfiuvoq, tassanilu biilit unittarfimmut apuunneranni aallarnerannilu biilit nummerpladiat toqqaannartumik nalunaarsorneqartarpoq. Biilit unittarfianniit anillannginnermi akiliisoqartarpoq.

Greenland Airports-ip biilinut unittarfiutaa isumannaallisaaneq atuisullu misigisassaat pitsaanerulersinniarlugit assiliivinnik nakkutilliissuteqarpoq.

Air Greenlandip akigititai maleruagassiaalu nittartagaani uani annertunerusumik atuarsinnaavatit: https://airports.gl/parkering-i-lufthavnen/

Duty Free:

Greenland Airports nunani tamalaani angalaniartunut nioqqutissanik Duty Free-nik (akitsuuteqanngitsunik) neqerooruteqarpoq. Nittartakkakkut pisiniarfia September aallaqqaataani ammassaaq, pisiniarfittavialu 28. novembarimi ammassalluni.

Greenland Airports-ip toqqagassaatai Duty Free-t taakkununngalu maleruagassat uani annertunerusumik atuakkit: https://airports.gl/duty-free/