Nuannarisavit nunarsuatsinni arlaannut angalanissaanut, nutaamik misigisaqarnissaanut, imaluunniit nuannarisaminnut tikeraarnissaanut periarfissillugu tunissuteqarfigalugu nuannaartikkusuppiuk? Air Greenlandimut allagartaq tunissut inummut namminermut tunngasuuvoq aamma arlaata tunissuteqarfigineqartup nutaanik misigisaqarluni angalanissaanut tulluartuulluni.
Qanoq iliorlunga Air Greenlandimi allagartamik tunissummik inniminniissaanga?
Tunissutivit allagartaanik pisiniaruit Air Greenlandip Callcenteria aqqutigalugu attaveqarfigissavatsigut ugguuna Atuisunut sullissivik attavigiuk.
Ilisimatitsigut allagartaq tunissut qanoq naleqassanersoq. Tamatuma kingornatigut allagartap tunissutip normua aamma kontumut akiliiffissamut paasissutissat ilinnut nassiutissavagut. Eqqaamallugu tunissummut allagartap normua akiliinermi allaffissamut nalunaarnissaa.
Allagartami tunissummi ateq allanneqarsinnaava?
Aap, tamanna kissaatigineqarpat ateq ilanngussinnaavarput.
Angalaffissat sorliit allagartaq tunissut atorlugu angalaffigineqarsinnaappat?
Angalanissamut korti tunissut Air Greenlandip angalaffigisartagaanut tamanut atorneqarsinnaavoq.
Ataasiartumik akiliineq
Allagartaq tunissut ilinnut tunissutigineqartoq ataasiartumik akiliinertut atorneqassaaq. Aningaasanik utertitsivigineqartoqarsinnaanngilaq aamma akia sinneqarpat, taakku kingusinnerusukkut atorneqarsinnaanatik.
Angalanermik inniminniisinnaavutit allagartami ilinnut tunissutigineqartup nalinga qaangerlugu akilimmik, taamaaliorsinnaavutit illit aningaasartuutit sinneruttut nammineq akilerukkit.
Allagartaq tunissut utertinneqarsinnaanngilaq imaluunniit aningaasanngorlugu tiguneqarsinnaanani.
Atuuffia
Angalanissamut allagartap tunissutip pisiarineranit ukiuni 2-ni atuuppoq.
Allagartat tunissutigineqartut piffissaq qaangiuppat atorunnaarsinneqassapput.
Angalanissamut tunissut allamut tunniunneqarsinnaava?
Angalanissamut tunissut allamut tunniunneqassanngilaq.