Gavekortimik Air Greenlandimut angalanissamut atugassamik maani pisisoqarsinnaavoq.
Gavekortimik piserusussaguit, gavekortimik qanoq nalilimmik piserusunnerlutit paasitissavatsigut, taava uterfigissavatsigit gavekortip normussaa kontomullu sumut akiliut ikissanersut, nuussinermilu gavekortip normua allannissaa piumasaqaatigaarput.
Inummullu aalajangersimasumut tunniussassaappat, atia allassinnaavarput.
Gavekortimik piserusussaguit uterfigeqqilaaritigut, qanoq nalilimmik piserusunnerlutit.
GAVEKORTIMUT MALERUAGASSAT
Gavekorti Air Greenland angalatitsineranut atorneqarsinnaavoq.
Gavekort ataasiaannarluni akiliutigineqarsinnaavoq, sinneranik utertitsisoqarsinnaanngilaq imaluunniit sinnera kingusinnerusukkut atorneqarsinnaasunngorneqarsinnaanngilaq.
Gavekortip nalinga qaangerlugu billettisisinnaavutit nikingassutaa nammineq akilerlugu.
Gavekorti utertinneqarsinnaanngilaq, imaluunniit aningaasanngorneqarsinnaanngilaq.
Gavekorti atorsinnaanera ukiunik marlunnik sivisussuseqarpoq.
Gavekortit atunngitsoorneqarnikut kingusinnerusukkut atorneqarsinnaanngillat, qaangiuffissaalu qaangiukkaangat piiarneqartarlutik.
Angalanissamut pisissutissaq inummut allamut tunniunneqarsinnaanngilaq.
Billettimik allanngorsinnaasumik pisigaanni aningaasartuutit nammineq isumagineqassapput, tassaniipporlu sullissinermut akiliisoqassalluni.
Billettimik allanngorsinnaangitsumik pisisimagaanni, nammineq akisussaaffigineqassaaq.