Apeqqut:
Sooq Air Greenland timmisartortitseqatigiiffiulluni angalatitseqatigiiffimmik suleqateqalerpa?
Akissut:
Ulluinnarni sulinikkut kiisalu tunaartaq eqqarsaatigalugu siumut isigissagaanni, angalatitseqatigiiffinnik suleqateqarnissaq Air Greenlandip orniginartippaa.
Maniitsup Nuullu akornanni aqqummi, Maniitsoq Tour Boatsikkut suleqatigilernerani, sapaatip akunneranut aallarfissat arfiniliusut pigeriikkatta saniatigut angallassinerusinnaanermik neqerooruteqalerpugut. Sullitagut toqqagassaqarnerulerput, angallannermullu pilersaarut eqaannerusoq taamaalilluta saqqummiussinnaalerparput.
Immakkut angallanneq aamma tassaavoq silaannakkut angallannerup sila pillugu, soorlu nuissat atsissut atugaatillugit pisinnaanngiiffiini angalanissamut periarfissatsialak. Taamaammat suleqatigiinnerup sumiiffimmi angalasinnaaneq periarfissallu annertusisippai.
Apeqqut:
Angalanissara inimminnilerukku qanoq ilillunga takusinnaavara angallammik timmisartumiunngitsoq angalassallunga?
Akissut:
Angalanissat inniminnilerukku billettillu qanoq issusaanik toqqaasussanngoruit, sorlikkut angalarusunnerlutit toqqagassarissavat. Angalanissavillu sivisussusaata nalaani Gl-normut allassimavissaani allassimassaaq “Suulut Targa 37 – M. T. B.”, tassa Maniitsoq Tour Boats naalisarlugu. Taamaammat angalaneq immakkut silaannakkulluunniit pissanersoq ersarissumik takussutissaqarpoq.
Apeqqut:
Umiatsiamik timmisartumilluunniit angalanissara puigorukku, kukkullunga aallariartortuullassuunga?
Akissut:
Inniminniinermut atatillugu normumut tunniunneqarsimasunut SMS-imik eqqaasitsissummik nassiussisoqassaaq. Taamaammat inniminniinermi pingaaruteqarpoq angalasussap normuata allannissaa.
SMS-imi eqqaasitsissummi allassimassaaq, umiatsiakkut angalasoqassasoq taavalu sumut aallariartortoqassanersoq. Nittartakkami billettimik pisinermi oqaatsit atorneqartut SMS-imi aamma atorneqassapput.
Taamaattorli paasissutissat angalanermut tunnganut paasiniarnissai angalasussap nammineq akisussaaffigaa. Aallannginnermilu angalanissamut pilersaarutip piffissaqarluarluni misissoqqissaarnissaa kajumissaarutigaarput.
Apeqqut:
Angallat sukkut avalallunilu talittarpa?
Akissut:
Maniitsumi Maniitsoq Tour Boatsip nammineq puttasuinit, Puulukilivimmiittumit, avalallunilu tulattassaaq. Nuummi sissiukkami “Tidevandstrappe”-mi talillunilu avalattassaaq.
Malugiulli, Nuummiit angallammik Maniitsuliassaguit, soorlu ataatungaani nassuiarneqartoq, Nuummi Mittarfimmi pisattanik tunniussissagavit. Tassanngaanniillu bussinik sissiukkamukaanneqassallutit, tamannalu akimut ilaareerpoq.
Apeqqut:
Nuummiit angallammut billetteqarpunga. Tidevandstrappemukaannarsinnaavunga?
Akissut:
Naagga. Nuummi timmisartoqarfimmi tunniussisarfimmut nalunaassaatit. Taava nassatat nammineerlutit bussinut assartussavat, bussinillu Tidevandstrappiliaanneqassaatit. Bussit Greenland Escapep pigai, bussernerlu akimut ilaareerpoq.
Tidevandstrappemut pigussi nammineerlutit nassatat angallammut ikaarutissavat. Tamanna ajornarpat bussini aquttoq angallammiluunniit ikiorti ikiortiserisinnaavatit.
Maniitsumut tikinnermi angallat Maniitsoq Tour Boatsip puttasuinut Puulukilivimmiittumut tulassaaq. Tassanngaanniit apuuffissannut ingerlanissat nammineq akisussaaffigissavat.
Apeqqut:
Maniitsumiit umiatsimik Nuummut billetteqarpunga, Nuummiillu timmisartoqqittussaallunga. Qanoq ilillunga mittarfiliassuunga?
Akissut:
Tidevandstrappimut tulannermi Greenland Escapep bussia mittarfiliaassisussaq piareersimassaaq. Eqqaamallugu nassatatit angallammiit nammineq bussinut assartussagakkit. Tamanna ajornarpat bussini aquttoq angallammiluunniit ikiorti ikiortiserisinnaavatit. Mittarfimmut busserneq billettip akianut ilaareerpoq.
Apeqqut:
Naalungiarsummik angalaqateqartussaavunga, ilaasutut nalinginnaasutut nalunaarsorneqassava?
Akissut:
Aap. Umiatsiamik/angallammik angallassinermi ilaasunik kisitseriaaseq allaasarmat naalungiarsuit ilaasut nalinginnaasutut nalunaarsorneqartarput.
Apeqqut:
Aqqummi Maniitsoq – Nuuk- Maniitsoq angallat qanoq ittoq atorneqarpa, angalanerlu qanoq sivisutigaa?
Akissut:
Angallat tassaavoq “Suulut” Targa 37 12-inik ilaasoqarsinnaasoq. Angallat perusuersartarfeqarpoq. Angalaneq akunnernik 3-nik minutsinillu 30-nik sivisutigaaq, sila apeqqutaalluni.
Angallat angalatitsisorlu pillugit uani paasisaqarnerugit: https://mtb.gl
Apeqqut:
Silarlussamaarpoq. Immakkut angalanissaq isumannaappa?
Akissut:
Soorunami isumannaatsumik angalanissaq pingaarneruvoq. Angalatitsisoq Maniitsoq Tour Boats, Air Greenlandimilu Pre-Flight Planning suleqatigiillutik angalanissap ingerlanneqarnissaa naliliiffigisassavaat. Silap piffissami pineqartumi pissusaa kiisalu sillimaniarnermut tunngasut naliliinerminni najoqqutarineqartassapput.
Apeqqut:
SMS-innappunga angalanissara taamaatiinnartoq. Nuummi Maniitsumiluunniit najugaqanngilanga, sumut saaffiginnissuunga?
Akissut:
Nuummi mittarfimmut pisattanik tunniussivimmut saaffiginnissaatit, imaluunniit Call Centerimut sianerlutit 701212-imut.
Apeqqut:
Angallammi sutugassaqarpa?
Akissut:
Aap. Imeq, tii, kaffi kaageeqqallu sassaalliutigineqartarput.
Apeqqut:
Maniitsup Nuullu akornanni umiatsiamik angallassineq ukiup qanoq ilinerani pisassava qassinullu?
Akissut:
Air Greenlandip Maniitsoq Tour Boatsillu isumaqatigiissutaat tassaavoq, apriilimiit oktoberip tungaanut angallassisarnissaq. Sapaatip akunneranut marloriarluni, sapaatini pingasunngornernilu, aqqummi normut uku atorlugit:
GL7741
GL7741 Maniitsumiit sapaatini pingasunngornernilu nal. 06.30 avalattassaaq. Mittarfimmi pisattanik tunniussisoqassanngilaq, ilaasussalli Maniitsoq Tour Boatsip puttasuanni, aallarnissamut akunnerup affaa sioqqullugu takkutereersimassapput, tassalu nal. 06.00
GL7742
GL7742 Nuummiit sapaatit pingasunngornerillu tamaasa nal. 12.15 avalattassaaq. Nalunaarneq mittarfimmi Air Greenlandip pisattanik tunniussiviani pisassaaq kingusinnerpaamik nal. 11.15. Aallarfissaq sioqqullugu Nuummut timmisartorsimagaanni, pisattat aaneqassapput mittarfimmilu Air Greenlandip pisattanik tunniussivianut saaffiginnilluni.
Nal. 11.45 mittarfimmiit Tidevandstrappimut Greenland Escapep bussiinik ingerlasoqassaaq, tassanngaanniimmi angallat nal. 12.15 avalassaaq.
Apeqqut:
Piumasaqaatit suut atuuppat?
Akissut:
Ilaasunik angallassinermi, kiisalu nassatat angalasussallu qanoq issusaat pillugit piumasaqaatit nalinginnaasut inatsisinik tunngavillit, timmisartukkut angallassimanermi aamma malinneqartartut, uani malinneqarput taaneqartartut “Conditions of Carriage”.
Killilersuutilli makku maluginiakkit:
Ilaasut immikkut pisariaqartitsisut pisariaqartitsisut ilaatinneqarsinnaanngillat, ukuusut:
Ilaasut timikkut aalaniarnermikkut immikkut pisariaqartitsisut
Ilaasut kaassuartakkanik atuisut
Meet & Assist-imik pisariaqartitsisut
Uumasut
Allallut immikkorluinnaq pisariaqartitsisut
Ilaasut immikkuullarissunik pisariaqartitsisut kajumissaarpagut