Air Greenland Hidden Disabilities Sunflower-programmimi ilaasortaavoq, tassanilu solsikkemik qilerniusaq ilaasunut takussaanngitsumik innarluutilinnut neqeroorutigalugu. Suliniut taanna siunertaralugu inuit takussaanngitsumik innarluuteqartut, soorlu ADHD-mik, autisme-mik, isumakuluuteqarnermik, tusaaniarnermikkut inaarluutinik kiisalu timikkut anniaateqarnermik katsorsaruminnatsumik atugallit, angalanerat toqqissisimanarnerulersinniarlugu peqataaffigiuminarnerutinniarlugulu pilersinneqarpoq.
Solsikkemik qilerniusaq suua?
Solsikkemik qilerniusaq qorsuusoq naasunik sungaartunik solsikkenik titartagartalik, qungatsimi ersaritsillugu qilerniusatullusooq atorneqassaaq. Taamaalilluni Air Greenlandimi sulisut nalussanngilaat atuisoq takussaanngitsumik innarluuteqartoq angalanermilu piffissamik, naammagittarnermik tapersersorneqarnissamilluunniit pisariaqartitsisinnaasoq. Qilerniusamik atuineq nassaavoq nammineq piumassutsimik immikkut nassuiaateqanngikkaluarluni, immikkut pisariaqartitsinermik ersersitsineq.
Solsikkemik qilerniusaq sumi pissarsiarineqarsinnaava?
Air Greenlandip Kalaallit Nunaanni mittarfinni ukunani ilaasut solsikkemik qilerniusamik akeqanngitsumik neqeroorfigai:
- Nuuk
- Ilulissat
- Sisimiut
- Narsarsuaq
- Upernavik
Københavnip mittarfiani sulisut saaffigalugit aamma pineqarsinnaavoq.
https://www.cph.dk/praktisk/rejsende-med-usynlige-handicap
Solsikkemik qilerniusaq atorukku suut naatsorsuutigissavakka?
Air Greenlandip pisattanik tunniussisarfiani sulisut timmisartullu inuttai solsikkep qilerniusaanik atuisunut ilisarsisinnaanissamut tamatumalu isumaanik paasinninnissamut sungiusarsimasuupput.
Taamaammat naatsorsuutigissavat:
Sulisut pisattanik tunniussinermi, timmisartumut ikinermi ilaanermilu piffissaq sivisunerusoq atorneqarsinnaasoq naammagittarnerunissartillu naatsorsuutigissavaat.
- Ilitsersuutit paasiuminartut tapersersorneqarnissallu pisariaqarsinnaammata .
- Toqqissisimanartumik angalaneq.
Pingaaruteqarpoq eqqaamassallugu solsikkemik qilerniusaq utaqqisuni siulliunissamut imaluunniit immikkut ittumik atugassaqarnissamut piginnaatitaaffeqartitsinngimmat, piffissaqarnerunissamulli naammagittarnissamut ikiorneqarnissamulluunniit periarfissaqarnertut isigineqassammat.
Sooq Air Greenland aaqqissuussamut peqataava?
Air Greenland apriilimi 2024-mi Kalaallit Nunaanni siullersaalluni Hidden Disabilities Sunflower-programmimut ilannguppoq. Suliniut 2024-mi decembarip pingajuanni FN-ip nunarsuaq tamakkerlugu inuit innarluutillit ullorititaani pisortatigoortumik aallartinneqarpoq. Siunertaavoq inuit takussaanngitsunik innarluutillit toqqissisimallutik ataqqinnillutillu angalanissaat ajornannginnerulersinniarlugu peqataatitsinissaq siuarsassallugu.
Apeqqutissaqaruit paasissutissanilluunniit kissaateqaruit, Air Greenlandip sullitanut sullissivianut saaffiginninnissamut nittartakkatsinniluunniit paasisassarsiornissamut tikilluaqqusaavutit.
Paasisaqarfiusinnaasut allat: