SeatBoost sunaana?
SeatBoost-imut app-imiit toqqaannartumik kaattaassineq aqqutigalugu inniminniinermi ataatsimi angalasut arfinillit tikillugit piffissaq kingulleq atorlugu qaffaanissamik neqeroorfigineqassaatit. Kaattaassineq naammassippat ajugaasimaguit SeatBoost-imut app-ikkut nalunaarfigineqassaatit. Peqataaneq akeqanngilaq, aammalu aatsaat kaattaassinermi ajugaaguit akiliissaatit.
SeatBoost timmisartuutileqatigiiffiit arlalinni atorneqarsinnaava?
SeatBoost maannarpiaq Air Greenlandip saniatigut timmisartuutileqatigiiffinni arlalinni atorneqarsinnaavoq, aammalu suli ilasussaapput.
SeatBoost angallavinnut sunut atorneqarsinnaava?
Qaffaanissamut kaattaassinerit maanna Air Greenlandip timmisartuussiffiinut toqqarneqartunut atorneqarsinnaapput. Timmisartuussineq ilaaffissat ilaanersoq takuniarukku timmisartuutileqatigiiffik “Air Greenland” toqqassavat, tassanilu SeatBoost-imut app-ikkut aallarnissat ullunik qulinik sioqqullugu inniminniinermut paasissutissaatitit naqitissavatit. Timmisartuussineq aallartiffissat ilaatinneqarpat kaattaassinermut peqataanissamut periarfissaqarlutit takusinnaavat. Kaattaassineq naatinnagu aallarnissannut tunniussereernissat isumagissavat.
Sumi SeatBoost neqeroorutigineqarpa?
SeatBoost-mobilapp-ikkut toqqaannartumik kaattaassititsisoqarneratigut piffissaq kingulleq atorlugu issiavimmik qaffatsitsinissamut neqeroortinneqassaatit. Kaattaassinermi ajugaasut issivimmik qaffaatitsissummik tigusissapput. Peqataanermut akitsuusiisoqanngilaq, aammalu aatsaat kaattaassinermi ajugaaguit akiliissaatit.
Kaattaassineq qanoq ilinerani aallartittarpa?
Kaattaassineq aallartittarpoq ullut qulit sioqqullugit, taamaallunilu kaattaassineq naammassissarpoq nal. akunneri sisamat sioqqullugit angalanissat pilersaarutaasoq aallartinnissaanut.
Inniminniinermut kode-ra (PNR) sukkut nassaarisinnaavara?
Inniminniinermut kode, arfinilinnik kisitsisitaqarluni naqinnernik akulik nalinginnaasumik angalanissanut uppernarsaammi ikissutissamilu allassimasarpoq. Kode taanna Air Greenlandip nittartagaani imaluunniit app-iani inniminniissutivit aaneranut, aammalu timmisartuussinerup ilaaffissavit takunerani atoreerpat. Nassaarisinnaanngikkukku ikissutissat scanner-lugu misilissinnaavat.
Allagartamut ikissutissamut scannerut suua, aamma taanna sumut atorsinnaavara?
Kaattaassinermut peqataaniarlutit qinnuteqaruit, bookingkode-p allaffissaata saniani scannerinissamut ilisarnaat takussavat. Ilisarnaat taanna toorukku assiliivik saqqummissaaq, tassani SeatBoost-app-eq atortuit inissisimaffiannut iluarsisimanngikkukku. Streg- imaluunniit QR-kode ikissutissatut allagartami naqitami imaluunniit ikissutissatut allagartami digitaliusumi ersittoq scannerukku, inniminniinermi paasissutissat naqitertariaqaratik ingerlaannartumik nuunneqassapput. Malugiuk, atortoq taanna timmisartuutileqatigiiffiit amerlanerusut ikissutissatut allagartaliussaannut atorsinnaammat, kisiannili ilaanni ajornarluni. Atorsinnaanngippat bookingkode atillu nammineerlutit naqitissavatit.
Qanoq iliorlunga kaattaassinermut peqataassaanga?
SeatBoost-app Apple App Store-mut imaluunniit Google Play Store-mut aasinnaavat. E-mailadressit allaguk, timmisartuutileqatigiiffik toqqaruk, tamatumalu kingorna timmisartumut ilaaffissannut paasissutissat naqitikkit. Tassanngaanniit kaattaassinermut peqataasinnaavutit.
Atuisutut atera suussava?
Atini saqqumitinneqartuni kaattaassinermut peqataasut/neqerooruteqartut kikkuuneri takutinneqarput, aammalu peqataasunit allanit takuneqarsinnaapput. Kaattaassinermut peqataalinnginninni taaguut leaderboard-ikkut ersittussaq toqqarsinnaavat, aammalu taaguut ersittoq atorlugu kaattaassinermi inissisimaffiit malinnaaffigisinnaavat.
Aallartinnermi neqeroorut / aningaasat sumut tunngappat?
Aallartinnermi neqeroorut neqeroorutaavoq, SeatBoost-ikkut kaattaassinermut peqataaninni neqeroorutigisat. Aningaasartaliussassat aallartinnermi neqeroorutigineqartunit amerlanerulaartut kortit akiliutit aqqutigalugu immikkoortinneqarallassapput – aningaasartaliussassanik immikkoortitsisarneq pillugu paasissutissat akiliisarnermut immikkoortup ataani “Aningaaserimma nikerarnernut allassimaffiani immikkoortitsisoqarsimasoq takusinnaavara. Tamanna qanoq isumaqarpa?”. SeatBoost atorlugu qaffaanissamut neqerooruteqartitsineq qaffaasarnermut akimit nalinginnaasumit appasinnerungaatsiartumik aallartinneqassaaq. Malugiuk, neqeroorutit tamarmik inaarutaasumik neqeroorutaammata, aammalu taamaatinneqarsinnaanngimmata allanngortinneqarsinnaanatilluunniit. Qaffaanerit, SeatBoost aqqutigalugu pisiarineqartut akii utertinneqarsinnaanngillat. Kisiannili SeatBoost-ikkut kaattaassinernut peqataaneq akeqanngilaq, aammalu aatsaat ajugaaguit akiliissaatit!
Qanoq iliorlunga neqerooruteqassaanga?
App-imik atueqqaaleruit neqerooruteqarnissamut ilitsersuut aqqusaassavat, taannalu aamma kaattaassinermut ilaaninni iserfigisinnaavat – taamaallaat ilisarnaat “?”, talerperlermi allermiittoq tuussavat. Neqerooruteqarniaruit aningaasartaliussat pingasut assigiinngitsut akornanni toqqaasinnaavutit. Pladi kuultitut qalipaatilik toorukku, leaderboard-ikkut ersittuni siullinngussaatit. Kaattaassinermi inissisimaffiit malinnaaffiginiarlugu taaguutit leaderboard-ikkut ersittoq takusinnaavat. Kaattaassinerup naannginnerani qasseriarlutilluunniit neqerooruteqarsinnaavutit.
Kaattaassinermik naggasiineq qanoq ingerlasarpa?
Kaattaassineq aallarniutaasoq naappat naggasiineq aallartissaaq, taannalu minutsinik marlunnik sivisussuseqarpoq. Annerpaamik neqerooruteqartut qulit kisimik naggasiinermut ingerlaqqissapput. Tassani naggataarlutit nammineq toqqakkannik neqerooruteqarnissamut periarfissaqarputit. App-ip naatsorsuinermi atortuani neqeroorutivit katinneri takutinneqassapput. Malugissavat, piffissap naalluinnalernerata tungaanut atuisinnaaneq allanngorsinnaammat. Iluatsitsilluarina!
Inniminniinermi ataatsimi allanik angalaqateqassaanga. Qanoq periarfissaqarpunga?
Kaattaassinissamik toqqaareeruit, inniminniissutinni angalasussat neqerooruteqarninni toqqarusutavit arlaannik toqqaassaatit. Angalaqatigiit arfinillit tikillugit toqqarsinnaavatit, imaluunniit angalaqatigiinnik amerlassusiliisinnaavutit, taamaalillusilu avissaartussaassaasi. Kisianni meeqqamik angalaqateqassaguit, inniminniinermi ataatsimi angalaqatigiit tamakkerlugit neqerooruteqassaatit.Inussiarnersumik malugeqquneqarpoq, inuit arlallit sinnerlugit neqerooruteqassaguit, aningaasat neqeroorutigisatit angalasumut ataatsimut atuuttussaammata. Tassunga aallarniutaasumik neqeroorutigisatit aammalu kaattaassineq tamakkerlugu neqeroorutigisatit tamarmik ilaassapput. Angalasunut tamanut neqeroorutivit katinneri leaderboard-imi ersarissumik takuneqarsinnaapput, taamaattumillu kaattaassinerup nalaani ajornanngitsumik malinnaasinnaassaatit. Aammattaaq malugeqquneqarpoq, sapinngisatsinnik anguniagaqaraluarluta angalasut marluk sinneraangatigit sanileriittoqarnissaa qulakkeersinnaannginnatsigu.
Akiliutit qanoq ittut qaffaanissamik pisininni atussavakka?
Korti akiliut qanorluunniit ittoq atorsinnaavat (AKILIUT-kort minillugu). Aamma korti akiitsorfik atorsinnaavat, tassani taamaallaat giro atorlugu imaluunniit aningaasanngorlugit akiliisinnaanissat piumasaqaataavoq. Tamatuma saniatigut SeatBoost Apple aamma Google Pay, akiliummik qanorluunniit ittumik, mobilikkut aningaasivimmut (Wallet) aqqutigalugu ivertissimasannik atuinissamut periarfissiisoq aqqutigineqarsinnaavoq.
Kaattaassinermi ajugaasut qanoq iliorluni aalajangiiffigineqassappat?
Atuisinnaaneq aammalu neqerooruteqarninni aningaasat tamarmiusut tunngavigalugit qaffaasoqassaaq. Aamma kaattaassinerup naanerani kaattaassinermi kisimiikkaluaruilluunniit, qaffaanissamut periarfissaqanngikkaluarpat tamanna pisinnaavoq. Neqerooruteqartut sapinngisamik amerlanerpaat qaffaaffiginissaat anguniarsarigaluarlutigu atuisinnaanermut tunngavissat arlallit apeqqutaasinnaapput, taakkununngalu ilanngullugu timmisartuutileqatigiiffiup naliliinera piumasaqaataaluunniit apeqqutaasussaapput. Timmisartumi issiavimmik inulerneqanngitsumik peqarpat, tamanna issiaviup SeatBoost-ikkut pisinermi atorneqarsinnaaneranut qulakkeerissutaasinnaanngilaq. Tamakku peqqutigalugit kaattaassinigut aqqutigalugit atuisinnaanissaq qulakkeersinnaanngilarput.
Neqeroorutiga atorunnaarsissinnaavara?
Kaattaassinerup peqataasunut tamanut naapertuuttumik ingerlanissaa qulakkeerniarlugu ajoraluartumik neqeroorutit, toqqaannartumik kaattaassinermut neqeroorutigineqartut atorunnaarsissinnaanngilagut utertissinnaanagilluunniit. Tamatuma saniatigut SeatBoost aqqutigalugu qaffaanerit ajugaaffigineqartut utertinneqarsinnaanngillat. Tamanna kaattaassinermut piumasaqaatitsinni peqataannginninni akuerisassanni allassimavoq. Kaattaassinitsinnut peqataaninni timmisartumik ilaaffissannik allannguiguit, imaluunniit timmisartuussineq ilaaffissat taamaatinneqarpat ajugaasinnaanngilatit (imaluunniit akiliisinneqarsinnaanngilatit). Timmisartoq ilaaffissaq nutaaq tunngavissalimmik nuuffigisimagukku, timmisartuussinissamut nutaamut tassunga SeatBoost aqqutigalugu kaattaassinermut peqataasinnaavutit. SeatBoost aqqutigalugu kaattaassinermut peqataaninni allatut iliorlutit qaffaaguit sullississutitsinnut ilisimatitsisoqassaaq, taamaalillutillu ajugaasinnaajunnaassaatit (tassanilu aamma akiliisinneqassanngilatit). Pisuni marluusuni taakkunani aningaasat immikkoortikkallakkat, kaattaassinermut peqataaninnut atugassanngortitat atorunnaarsinneqassapput.
Kaattaassinermi ajugaanngikkuma akiliisinneqassaanga?
Naagga, aamma peqataanermut akitsuuteqartitsisoqanngilaq. Kaattaassinermut peqataaninni ajugaanngikkuit, kortinni aningaasat immikkoortikkallakkat ingerlaannartumik atorunnaassapput. Malugiuk, inniminniineq erngerluni taamaatinneqaraluarpalluunniit, aningaaseriviit tamarmik immikkut sullisseriaaseqarmata, aammalu immikkoortitsinerugallartup kontuit naqinneraniit peernissaanut ullut marlussuit ingerlasinnaammata. Aatsaat kaattaassinermi ajugaaguit akiliisinneqassaatit.
Qaffaanissamut ajugaaguma akitsuutit akilereersimasinnaasakka utertissinnaavakka?
Kaattaassinermi piumasaqaatini, kaattaassinermut peqataaniarlutit akuerisassanni allassimasutut akitsuutaasinnaasut (soorlu nassatanut issiavinnillu inniminniinernut), Air Greenlandimut akilereersimasatit utertinneqarsinnaanngillat.
Qaffaaffigineqarninnut ajunngitsorsiassat suut ilaatinneqarpat?
SeatBoost-ikkut qaffanneqarnermut ajugaasimaguit Premium-imut atatillugu sullissinermi iluaqutissat tamarmik ilanngunneqassapput.
Tassunga ilaapput:
Nassatat amerlanerusut (extra bagage)
Fast Track (sukkasuumik misissuisarfiup atornera)
Lounge-mut isissutissaq
Sullinneqarnermi nerisassat (Inflight Service)
Timmisartuussinermut ilaaffissannut immikkut ittunik nerisaqarnissamik inniminneereerpunga. SeatBoost taamatut qaffaanissamut atorsinnaavara?
Nerisassanik immikkut ittunik inniminniisimaguit, suli qaffaaffigineqarnissamut kaattaassinermut peqataasinnaavutit. Kisiannili piffissap nalunaarfissap sivikinnera peqqutigalugu nerisassat timmisartup iluani qaffaaffiusumut ajugaaffigisannut nalinginnaasunut qaffanneqarsinnaanngillat. Timmisartup iluani inuttat aallaqqaammut inniminniiffigisannut nerisassat inniminnikkatit sassaalliutigissavaat.
Qaffaaffigineqarnissannut tatiginassutsimut programmimi miles-it point-illu pissarsiarisinnaavakka, imaluunniit atorsinnaavakka?
Qaffaaffigineqarnermi inissisimaffiup qaffannissaa imaluunniit bonuspoint-inik pissarsinissaq pisinnaatitaaffigineqanngilaq. Ajoraluartumik suli Frequent Flyer point-inik atuilluni SeatBoost aqqutigalugu qaffaaffigineqarnissamut neqerooruteqartoqarsinnaanngilaq.
Qaffaanissamut ajugaasimagutta angalaqatigalugu sanileriissinnaavugut?
Angalaqatillu ataatsimoorlusi inniminniisimagussi, aatsaat timmisartup initaani qaffaaffiusumi issiavinni sanileriinni inissaqarpat sanileriissinnaavusi.
Kaattaassinermut peqataasinnaanngilanga. Sooruna?
SeatBoost aatsaat aallarfissaq ullunik qulinik sioqqullugu atorneqarsinnaalertarpoq. Tamanna sioqqullugu SeatBoost atorneqarsinnaanngilaq. Tamatuma saniatigut inniminniinerit ilaat SeatBoost-imut ilaasinnaanngillat, timmisartuutileqatigiiffimmi issiavissanik immikkut pisariaqartitsisoqarnera, naalungiarsummik ilaqarniarluni inniminniisoqarsimanera, ataatsimoorluni bilitsit imaluunniit timmisartuutileqatigiiffiup politikkii peqqutigalugit killiliisoqartarmat.
Qaffaaffigineqarnissamut neqerooruteqareerpunga. Suli SeatBoost aqqutigalugu allanik neqerooruteqarsinnaavunga?
Aap, taamaaliorsinnaavutit. Neqeroorutigisat akuerineqarpat SeatBoost aqqutigalugu kaattaassinermi ajugaasinnaanngilatit.
Kisiannili neqeroorutigisat akuerineqanngippat, SeatBoost aqqutigalugu neqeroortitsinermi qaffaaffigineqarnissamut nutaamik periarfissaqalissaatit.
Tamanna timmisartuussineq ilaaffissat nal. ak. 24-nik sioqqullugu neqeroorummik nassiussisinnaanermut naleqqiullugu sunik allaanerussuteqartitsiva?
SeatBoost aqqutigalugu kaattaassineq aallarfissat ullunik qulinik sioqqullugu aallartissaaq, aammalu aallarnissat nal. ak. 3½-it sioqqullugu unissalluni, tassanilu issiavinnik qaffaaffiusinnaasunik peqarpat issiavinnut qaffaaffigineqarnissamut neqeroorutit pitsaanerpaat neqeroorfigineqassapput. Kaattaassineq SeatBoost-mobilapp-eq aqqutigalugu toqqaannartumik piffissamilu atuuttumi ingerlanneqassaaq. Kaattaassinermi inissisimaffiit takusinnaavat, aammalu qanoq annertutigisumik neqeruussanerlutit aalajangersinnaallugu.
Bilitsera “pisinnaatitaaffiunngitsutut” allassimavoq. Tamanna qanoq isumaqarpa?
Bilitsit ilaat immikkut ittumik issiaveqarnissamik pisariaqartitsinerit, issiaviit atorneqarsinnaasut, bilitsit suussusii, angalaqatigiinnerit timmisartuutileqatigiiffiillu allat politikkii peqqutaallutik killeqarnertik pissutigalugu atorneqarsinnaanngillat. Inatsisit malinniarlugit, aammalu ilaasut tamarmik naleqquttunik issiavissaqarnissaat qulakkeerniarlugu tamanna pisariaqarpoq.
Kaattaassinermut peqataavunga, kisiannili kaattaassineq suli naanngisoq timmisartoq ilaaffissara allanngortippara. Neqeroorutiga qanoq ilineqassava?
Ajornanngilaq – angalanissamut pilersaaruteqarfigisat ilanngunneqarsimanngippat, taava nittartakkakkut unammisitsinermi ajugaasinnaanavianngilatit imaluunniit akiliisinneqassanngilatit. Angalanissat nutaajusoq periarfissaqarpat, taava SeatBoost-ikkut unammisitsinermi peqataasinnaavutit angalanissamut nutaamut."
Timmisartoq ilaaffissara piffissamik sivikitsumik sioqqutsilluni allanngortinneqarpoq. Neqeroorutiga suneqassava?
Neqeroorutit atuutiinnassaaq. Timmisartumi ilaaffissami nutaami ininik qaffaaffiusinnaasunik peqarpat, kaattaassineq timmisartut taarserneqarnerinit sunnerneqassanngilaq. Timmisartoq qaffaaffiusinnaasumik initaqanngippat, kaattaassineq ingerlaannartumik unitsinneqassaaq, neqeroorutillu atorunnaassaaq.
Qaffaanissamut ajugaavunga, kisiannili timmisartoq ilaaffissara taamaatinneqarpunga allamulluunniit nuutsinneqarpunga, imaluunniit timmisartorfissara kinguaattoormat, timmisartuussineq ingerlaqqiffissara angumerinngitsoorpara. Qanoq iliorlunga utertitsissaanga?
Attaveqarnissamut immersugassaq matuma kingulianiittoq atorlugu qinnuteqarlutit immersuigit, imaluunniit uunga iserit:
https://seatboost.com/contact-us/
Suliassaq nassiussat timmisartuutileqatigiiffimmit misissorneqareerpat akuerineqareerpallu, aningaasat qaffaaffigitinniarlutit akiliinermi akiliutinnut utertissavagut.
Qaffaaffigitinnissamut ajugaavunga, timmisartorli ilaaffissara kinguaattoorpoq. Qanoq iliussaanga?
Qaffaaffigitinnissamut ajugaasimaguit, aammalu timmisartuussineq ilaaffissat kinguaattoorpat, qaffaaffigitinnissat atuutiinnassaaq. Annertunerusumik ikiorneqarnissat pisariaqartikkukku, imaluunniit Air Greenland attaveqarfigerusukkukku, una iserfigiuk:
https://kundeservice.airgreenland.gl/hc/kl-dk/requests/new
Qaffaaffigitinnissamut ajugaavunga, kisiannili assersuutigalugu issiaviup ajoqusersimanera peqqutigalugu taanna atorsinnaanngilara. Qanoq iliorlunga utertitsiffigineqassaanga?
Attaveqarnissamut immersugassaq matuma kingulianiittoq atorlugu qinnuteqarlutit immersuigit, imaluunniit uunga iserit:
https://seatboost.com/contact-us/
Suliassaq nassiussat timmisartuutileqatigiiffimmit misissorneqareerpat akuerineqareerpallu, aningaasat qaffaaffigitinniarlutit akiliinermi akiliutinnut utertissavagut. https://seatboost.com/#contact-us
Qaqugu akiligassara akilersinneqassava?
SeatBoost aqqutigalugu kaattaassinermut peqataanikkut, kaattaassinermut naleqquttumik aallarniutaasumik neqerooruteqassaatit. Neqeroorutit tamarmik inaarutaasarput, kisiannili qaffaaffigineqarnissamut ajugaaguit aatsaat akiliisinneqassaatit. Kaattaassinerup aallartinnerani aningaasanik, aallarniinermi neqeroorutaasunit amerlanerulaartunik immikkoortitsisoqarallassaaq, taamaalilluni kaattaassinerup naanerani iluatsittumik akiliinissaq qulakkeerneqassalluni. Immikkoortitat akiliutissaanngillat, aammalu aningaasat nuunneqassanngillat; tamanna immaqa akunnittarfinnut biilinilluunniit attartortitsisarfinnut atorsimallugu ilisimareerpat. Ajugaaguit immikkoortitat inaarutaasumik neqeroorutinnut akiliutigitinneqassapput. Inaarutaasumik neqeroorutitit aallaqqaammut immikkoortitannit amerlanerullutik pisariaqassappat saniatigut akiliisinneqassaatit. Ajugaanngikkuit akiliisinneqassanngilatit, aammalu uagut tungitsinniit erngerluni immikkoortitat atorunnaarsinneqassapput. Malugiuk, immikkoortitsineq erngerluni atorunnaarsinneqaraluartoq, aningaaseriviup atukkavit suunera apeqqutaatillugu tamatuma kontuit naqinneraniit peernissaanut ullut marlussuit ingerlasinnaammata. Aatsaat kaattaassinermi ajugaaguit akiliisinneqassaatit.
Aningaasat immikkoortitat kontuma naqinnerani takusinnaavakka. Tamanna qanoq isumaqarpa?
Kaattaassinermut peqataalinnginninni ilisimatitsissutigineqartutut, aningaasanik, aallarniinermi neqeroorutaasunit amerlanerulaartunik kortimi akiliutinni immikkoortitsisoqarallartussaavoq. Immikkoortitat akiliutissaanngillat, aammalu aningaasat nuunneqassanngillat; tamanna immaqa akunnittarfinnut biilinilluunniit attartortitsisarfinnut atorsimallugu ilisimareerpat. Ajugaaguit immikkoortitat inaarutaasumik neqeroorutinnut akiliutigitinneqassapput. Inaarutaasumik neqeroorutitit aallaqqaammut immikkoortitannit amerlanerullutik pisariaqassappat saniatigut akiliisinneqassaatit. Ajugaanngikkuit akiliisinneqassanngilatit, aammalu uagut tungitsinniit erngerluni immikkoortitat atorunnaarsinneqassapput. Malugiuk, immikkoortitsineq erngerluni atorunnaarsinneqaraluartoq, aningaaseriviup atukkavit suunera apeqqutaatillugu tamatuma kontuit naqinneraniit peernissaanut ullut marlussuit ingerlasinnaammata. Aatsaat kaattaassinermi ajugaaguit akiliisinneqassaatit.
Qanoq iliorlunga uppernarsaammik qinussaanga?
Kaattaassineq naammassippat ingerlaannarlutit SeatBoost-imiit qaffaaffigineqarninnut uppernarsaammik nassinneqassaatit. Taanna e-mailadressemut, SeatBoost-imut app-i aqqutigalugu ilaalernermut atukkannut nassiunneqassaaq.
Sumiut aningaasaasa nalingat atorlugu akiliissaanga?
Kaattaassinermut peqataalinnginninni skærmikkut akiliiffissami sumiut aningaasaasa nalingi suut atorlugit akiliisinneqassanersutit takutissavarput, nalinginnaasumillu najukkami aningaasat nalingi tunngavigineqartarput.
PIN-kodera, SeatBoost-app-kkut kortima akiliutima toqqornerani atugara puigorpara. Qanoq iliorlunga nutartissavara?
Isumannaallisaaneq eqqarsaatigalugu PIN-kodenik atukkanik toqqorsineq ajorpugut. PIN-kodet puigorsimagukku TALLIMARIARLUTIT (5) misileereeruit kortip akiliutivit paasissutissartai toqqorsimasinnaasagut ingerlannartumik piissavagut. Ingerlaqqinniaruit kortip akiliutivit atortup paasissutissartai naqiteqqissavatit.
Kaattaassinermut peqataareerninni kortip akiliutima paasissutissartai nutartersinnaavakka?
Ajoraluartumik kaattaassinerup ingerlasup nalaani kortip akiliutip paasissutissartai allanngortinneqarsinnaanngillat. Kisiannili siunissami kaattaassinernut peqataasarniarlutit korti nutaaq toqqarsinnaavat, imaluunniit paasissutissartai naqitersinnaallugit.
Paasissutissaatikka qanoq iliorluni illersorneqarpat?
SeatBoost-imi GDPR malinneqarpoq, aammalu paasissutissaatitit illersorniarlugit isumannaallisaanermi malitassat sukannersut malinneqarlutik. Inuttut inuunermut politikkerput alakkaruk, paasissutissanut politikkigut pillugit paasissutissanik amerlanerusunik pissarsiniarlutit, taakkununngalu pisinnaatitaaffitit aammalu itigartitsinissamut periarfissatit ilaatinneqarput. Apeqqutissaqaruit imaluunniit annilaangassuteqaruit privacy@seatboost.com aqqutigalugu uagutsinnut allassinnaajuaannarputit.
Toqqaannartumik imaluunniit siusinnerusukkut kaattaassinerit takusinnaanngilakka. Qanoq iliussaanga?
Maannarpiaq SeatBoost aqqutigalugu kaattaassinermut peqataaguit, imaluunniit siornatigut peqataasimaguit qinigassani “Kaattaassinerit peqataaffigisakka” toqqarlugu kaattaassinerit peqataaffigisimasatit takusinnaavatit. Allamik atortutaarsimaguit, qanittukkut nutarterisimaguit imaluunniit SeatBoost-app-eq ikkuteqqissimagukku Seat-Boost-imut ikiortillutit aaqqitissinnaavat: https://seatboost.com/#contact-us
E-mailadressera qanoq ilillunga allanngortissinnaavara?
SeatBoost aqqutigalugu kaattaassinermut peqataasimanngikkuit, e-mail-it, SeatBoost-kontunnut atukkat nutartersinnaavarput. Maannarpiaq SeatBoost aqqutigalugu kaattaassinermut peqataaguit, kaattaassinerup nalaani e-mail nutartersinnaanngilarput, kisiannili kaattaassineq naappat tamatumunnga ikiorsinnaavatsigit. Skærmimi isigisatit ammukartillugit ikioqqulluniarlutit e-mail-imik nassiusseqqullutit qinnuigaatsigit.