App’i angalaninni nutaanik misigisaqarnissannik periarfissiisoq nutartigaallunilu pitsanngorsagaq saqqummiupparput! Uku pingaarnertut nutaajupput:
Inunnik arlalinnik ilaanissamut nalunaarsuineq (check in) – Inniminniinermi normorsi (bookingnummer) tamassinnoortoq ataasiuppat ilaqutariit tamakkerlugit ataatsikkut ilaanissamut nalunaarsorsinnaalerpatit, boardingkortissassinnillu tamassi tunineqarlusi.
Atuisuuffinnut e-mailit arlariit atorsinnaalerpatit – Club Timmisami kontonnut e-mail adresset arlariit ikkussorsinnaalerpatit
Aallartussat malinnaaffigikkit – app’ivit saqqaani aallarfissatit malinnaaffigikkit
Angalanissannut isumassarsiorfissat amerlanerit – Arctic Excursions suleqatiginerisigut immikkuullarilluinnartunik misigisassarsiorusukkuit ujaarlersinnaalerputit inniminniillutillu
Timmisartornissamut annilaangasartunut podcasteqarpoq – Air Greenlandip podcastianut pingasunik immikkoortortalimmut iserlutit tusarnaagaqarsinnaassaatit, taakku timmisartornissamut annilaanganerit qanoq aqussinnaanerlugu oqaluttuartuupput
Isikkua nutaaq pitsanngorsagaasorlu – atuisumut naleqqusartuuvoq isikkualu nutartigaalluni
Qanoq isillunga emailit amerlanerit ikkussuutissavakka?
Atuisuuffivit nalunaarsorfissaani suliffinnut email adresset aammalu nammineq email adresserisat allattorsinnaavatit. Taamaasiornikkut app’i atorlugu inniminniigaangavit, email allattorsimasavit arlaat atornerisigut atit nammineerluni allaqqareertalissaaq.
Immikkut taarusupparput app’i namminerisamik atuisuuffiiisuugakku, illit nammineq kisivit email adresserisatit kisiisa allattorsimatissagitit, innersuussutigivarput aapparpit/anaanavit/aanaavit inuup allalluunniit mailii allaqqassanngitsut.
Malugeqqussavarpullu email adresset nalunaarsorneqareersimasut atuisuuffimmut allanneqarsinnaassanngimmata. Siornatigut immaqa Club Timmisami atuisuuffinnut suliffivit mailia atorlugu atuisutut nalunaarsornikuusimassuutit, massakkullu namminerisamik email adresserisaq atorlugu suliffigisavit mail adressea ikkunniarsarisimagukku ikkussinnaanagu.
Taava imatut paasisariaqarpoq, atuisuuffigilikkannut mail nutaaq ikkunniarukku mail atornikuusat, soorlu suliffivit mail adressea atorlugu siornatigut atuisuuffigisannut isertarsimaguit, taava atuisuuffikorisat peeqqaartariaqarpat, taamaalillutit atuisuuffittut maanna atulikkannut mail ikkukkusutat ikkussinnaalissaaq.
App’i aqqutigalugu qanoq misigisassarsiornissannut inniminniisinnaavunga?
Arctic Excursions suleqatiginerisigut app’ikkut toqqaannaq misigisassarsiorfigineqarsinnaasut pissanganartut nanillugillu inniminnersinnaavatit. Qimussertut misigisaqarfigiartukkit, iluliarasaartumi angallammik angalaariartorit, helikopterimik angalaarit il.il.!
Misigisassarsiorfigerusutannik inniminneereeruit Arctic Excursionsip mailikkut paasissutissat tamaasa pillugit attavigissavaatit. Angalanissamut inniminnigaq pillugu allannguiniaruit kukkuneqarpalluunniit taava Arctic Excursionsimut ulluinnarni nal. 8:00-ip 16:00-llu akornanni uunga sianissaatit +299 24 47 89.
Qanoq isillunga ilaquttakka tamaasa ilaanissamut nalunaarsussavakka?
Tamarmiullusi bookingnummersi ataasiuppat ajornaquteqanngitsumik tamakkerlusi app’ikkut ilaanissamut nalunaarsortariaannaavusi tamassilu boardingkortinnallusi.
App’i qanoq nutarsassavara?
Mobiilit nammineerluni app’iminik nutarsaasanngippat nammineq imaaliorsinnaavutit:
(iOS-iuppat) App Store-mukarit (Androidiuppallu) Google Play-imukarit
Club Timmisa ujaruk.
Opdater tooruk
Sukkut Air Greenlandip timmisartornissamut annilaangasartunut podcastia nanisinnaavara?
App’imi podcasti tuugassamik linkeqarpoq. Pingasunik immikkoortortaqarpoq, taakkunani timmisartornermut annilaanganerup paasinissaa qanorlu aqunnissaanut ilitsersuutinik tusarnaagassaqarpoq.
Immikkoortut taakku pingasut Spotify-kkut imaluunniit Apples Podcast-ikkut downloadissavatit.