Air Greenland Jettime suleqatigalugu isumaqatigiissusiorput Billund/København Nuullu akornani timmisartuussinissamut.
Pitsaanerpaajuvorlu pisiassaq pisarinnginnerani sunaanersoq misissorluaqqaarnissaa. Ingammik pisiarinissaa qulakkeeraanni. Taamaammat apeqqutit akissutillu suliarisimavagut uumap angalaffissap iluani maleruagassat suuneri. Uani apeqqutit nassaarinngikkukku tikilluaqqusaavutit uunga saaffiginninnissamut info@airgreenland.gl, apeqqutissat tamanut iluaqutaasinnaappat uunga ilanngunneqassaaq.
Angalanissamut uppernarsaat uani pisiariuk www.airgreenland.gl imaluunniit angalatitsivik aqqutigalugu.
Inniminniitinnani ilisimasariakkat
Isumaqatigiissut sunik imaqarpa?
Isumaqatigiissut Air Greenland aamma Jettime akornaniippoq, Air Greenland-ip timmisartoq Jettime-meersoq tamaat attartorpaa sulisui ilanngullugit. Taamaammat Air Greenland-ip timmisartoq tamaat aquppaa.
Timmisartoq Boeing 738 timmisartuuvoq qeqqatigut torsuusalik saneraanilu illugiinni pingasukkaanik issiaveqarluni. Katillugu 189-it ilaasorisinnaavai.
Timmisartornermi akisussaaffik kiap tigummivaa?
Timmisartuussileqatigiiffik, matuami Air Greenland angalasut isumaginissai akisussaaffigai ukunani:
- Kinguaattoorneq, taamaatitsineq aammalu inissat sipporlugit tunisisimanermi.
- Nuutsitsineq, nerisaqarneq aammalu unnuiffissat.
- Nassatanik isumaginninneq, taarsiiviginninnerillu.
- Sullitanik kiffartuussineq aammalu attaveqarneq.
- Allannguinerit imaluunniit utertitsinerit.
Timmisartoq taamaatippat imaluunniit taamaatiinnarneqarpat, Air Greenland iluarsiissutissanik ujartuissaaq ikiuullunilu nuutsitsinermik imaluunniit utertitsinermik.
Qanoq ilillunga takusinnaavara Jettime-mik angalassallunga?
Nittartakkami inniminniinermi talerpiata tungaani takuneqarsinnaavoq:
Aammalu billettimi:
Timmisartumi sullissinermut paasissutissat
Sullissineq sorleq pissavara?
Timmisattup iluani sullissineq Air Greenland-mi ilaanermisut pissaaq, imarpik qulaallugu ”Tuukkaq”-mut ilaanermi assinga. Nerisaqarneq angalanermi ilaareerpoq.
Air Greenland-mit saqisoqarpa?
Naamik, Jettime saqisui kisimik atorneqarput, qulakkeeqqaneqarsinnaanngilarlu kalallisut oqalussinnaasumik saqisoqarnera.
Timmisartumi aliikkusersuuteqarpa?
Timmisartup issiaviani isiginnaaruteqanngilaq, internettimullu attaveqarani. Taamaammat innersuussutigaarput eqqaamaqqullugulu nipilersuutinik, filmini aallereersimanissaq nammineq pigisani, imaluunniit atuagaq nuannarisat nassarlugu ilaasorissallutit.
Mobil imaluunniit tablet immersorneqarsinnaava?
Timmisartuni allanitut periarfissaanngilaq kabel-mut sarfalersuisumut ikkussisinnaaneq. Taamaammat eqqaamajuk mobilivit/tabletivit immereersimanissaa aallannginnermi.
Akitsuuteqanngitsuni timmisartumi pisisoqarsinnaava?
Aap, periarfissaavoq akitsuusersugaanngitsunik pisinissaq, kisianni pisiassat killeqarput. Timmisartup inissakinnera peqqutigalugu nassarsinnaasat killeqarmata.
Angalannginnermi paasissutissat
Kiap pisattanik tunniussineq isumagissavaa?
Air Greenland-ip nassatanik tunniussineq isumagissavaa. Billund mittarfiani nammineerluni tunniussisarfiit atorneqarput. Nuummi København-milu saaffiginnittarfimmut tunniussissaatit.
Sumi issiarusunnerlunga aaliangersinnaavara?
Aap. Issiaviit toqqarneqarsinnaasut ukuupput: tulleriit 1-31, issiavillu A, B, C, D, E aammalu F.
Billettimik pisinermi ilanngunneqarsinnaavoq imaluunniit pisattanik tunniussinermi Air Greenland sulisui oqarfigalugit aaqqinneqarsinnaapput.
Nassatat qanoq amerlatigisut nassarsinnaavakka?
Air Greenland-ip nassatanut maleruaqqusai atuuppput. Billettisinermi 20 kg nassatat tunniussassat ilaareerput, aammalu nassatat tigummiaannakkat 8kg. Nassatanik killiliussaq qaangerlugu pisataqaruit oqimaappallaarnerata annertussusaa kg-mut akilertagaq akilertariaqassavat. Uani paasissutissat atuarsinnaavatit: Overvægt – Air Greenland
Aallannginnermi qaqugukkut pisattanik tunniussissaanga?
Isumatusaarneruvoq aallarfissap 2 tiiminik sioqqullugu mittarfimmiinneq.
Greenland Airports nittartagaani pisattanik tunniussineq pillugu atuarsinnaavutit: Check-in - Greenland Airports.
Billund-mi mittarfiup nittartagaani pisattanik tunniussineq pillugu atuarsinnaavutit: https://www.bll.dk/services/check-in.
København-mi mittarfiup nittartagaani pisattanik tunniussineq pillugu atuarsinnaavutit: https://www.cph.dk/praktisk/check-in.
Air Greenland-meersunik danmark-mi mittarfinni sulisoqarpa?
Aap naamillu, København-mi Air Greenland-meersunik peqarpoq. Billund-mili soqanngilaq, kisianni sulisut inussiarnersut arlaatigut saaffigiuaannarsinnaavatit.
Nittartakkakkut tunniussisoqarsinnaava?
Aap, nittartakkakkut tunniussineq periarfissaavoq.
Kalaallit nunaata iluani ingerlariaqqiffissaqarpunga, pisattakka aqqutaa tamaat tikittussanngorlugit tunniussisinnaavunga?
Aap, nammineerlutit imaluunniit angalatitsivik aqqutigalugu billettimik ataqatigiittumik pisisimaguit pisattatit tikiffissavit tungaanut allagartalersorneqassapput. Nuummulli tikinnermi saaffiginnittarfiliarnissat pisariaqassaaq ikissutissamik allamik aallernissamut.
Uumasunik nassartoqarsinnaava?
Aap, uumasunik nassartoqarsinnaavoq. Kisianni taamaallaat uumasut marluk annerpaamik puua ilanngullugu 8 kg-nik oqimaassusillit timmisartup iluanut nassarneqarsinnaapput. Uumasut anginerit Jettime-mik angalanermi nassarneqarsinnaanngillat, nassatanut usilersorfia kiassagaanngimmat.
Meeraq kisimiilluni ingiallorteqarluni angalasoq Jettime-mut ilaalluni angalasinaava?
Naamik, ajoraluartumik meeqqat kisimiillutik angalasut Jettime-mut billettisineqarsinnaanngillat.
Angalalluarina!
Nalunngiliuk…
Air Greenland ukiuni 65-ni timmisartuussileqatigiinnermut sullissinermi ilisimasaqarpoq, Europamilu ingerlatsinermut akuersissut naammassiuminaannerpaamik (AOC-Air Operator Certificate) peqartoq. Taannalu akuersissutaavoq uppernarsaataalluni timmisartuussileqatigiiffiup inuttat aammalu isumannaallisaanermut maleruagassai timmisartuussisinnaanermut eqqortuunersut. Akuersissut silaannakkut angallannermut aqutsisoqarfimmiit tunniunneqartarpoq, Air Greenland pillugu, Danmark-mi angallannermut pisortaqarfimmiik ataavartumik nakkutigineqarlunilu misissuiffigitittarpoq qulakkeerniarlugu piumasaqaatit tamakkiisumik naammassisimanerai nakkutiginiarlugit.
Naatsumik oqaatigalugu, AOC pisariaqartumik akuersissutaammat qulakkeerinnittussaq timmisartuussileqatigiiffiup maleruagassai, sulisu aammalu isumannaallisaanermut aaqqiissut inissisimassasut niuernikkut timmisartuussinerit ingerlanneqassappata.