Ilaannikkut aallarnissat allanngortittariaqartarpavut timmisartuussinissap ingerlannissaanut arlalinnik pissuteqartumik. Allannguutit taakkua tassaasinnaapput siusinnerusukkut timmisartuussinissanit pilersaarutaasut imaluunniit timmisartut, inuttat mittarfiillu akornanni pisut.
Silaannakkut angallanneq imminut atasumik aaqqissuunneqarsimavoq, sumiiffiit ilaanni allannguineq angallannikkut pilersaarutaasunut kingusinnerusunut sunniuteqarsinnaammat. Taama pisoqaraangat peqqutaasoq ataaseq sorpiaanersoq tikkuaruminaassinnaasarpoq.
Tamaattumik pingaartittarparput allanguineq pillugu sapinngisamik sukkasuumik ilisimatitsinissaq, angalanerillu pitsaanerpaamik ingerlaqqinnissaanut sapinngisamik aaqqiiniarluta.
Sooq sumiiffimmi allami allannguineq timmisartornissannut sunniuteqarsinnaava?
Air Greenlandimi angallannermut pilersaarutit imminnut atalluinnarput. Taamaattumik sumiiffiit ilaanni kinguaattoorneq imaluunniit allanngortitsineq Kalaallit Nunaanni sumiiffinni allani timmisartuussinernut sunniuteqarsinnaavoq.
Qanoq ilisimatinneqassaanga?
Angalanissat ullormut allamut nuutinneqarpat SMS imaluunniit e-mail aqqutigalugit sukkanerpaamik ilisimatissavatsigit. Allanngortoqarneranut peqqutaasumik ilisimatinneqassaatit angalanissavillu ingerlaqqinnissaanik.
Sooq siusinnerusukkut aallarsinnaanngilanga?
Angallannermi pilersaarutini allanngortoqarnera sorpassuarnik kalluaasarpoq. Ullormi pilersaarutaasutut timmisrtuussinerit ingerlattussaavavut misissorlugulu timmisartuussinerit amerlinissaannut periarfissaqarnersoq.
Taamaassappat timmisartussaqartariaqarpoq imaluunniit qulimiguuleqarluni, inuttassaqarluni qasuersaarnissamut aalajangersakkat iluanni timmisinnaasunik. Tamatuma saniatigut sila, mittarfimmi pissutsit allallu ingerlatsinermut pissutsit inissinneqartariaqarput. Inissaarussimappat siusinnerusukkut aallarnissamut nuussisinnaanngilagut. Taamaattorli piffissaq kingullerpaaq atoralugu inissaqaleriasaarsinnaasarpoq ilaasussaq takkussimanngippat tamatuminngalu ilisimatinnata. Tamannalu aatsaat paasisinnaasarparput nassatanik tunniussineq matugaangat.
Sooq timmisartornanga umiartussaanga?
Sumiiffiit ilaanni ima pisoqarsinnaasarpoq qulimiguulimmut taarsiullugu angallammik angalasariaqalerluni. Matumani aqqut, sila sumiiffimmilu pissutsit apeqqutaasarput.
Qulimiguulimmik timmisartuussinermi silamut isikkivimmullu piumasaqaatit minnerpaaffissaqartarput. Sila isikkivillu timmiffiiunissaanut piumasaqaatit killinganiippata, qulimiguulik, sillimaniarneq piumasaqaatillu malillugit, timmisinnaanngitsutut nalilerneqartarpoq.
Umiatsiamik angalasoqaraangat tamanna pisarpoq angallatinik ilaasoqarnissamut akuerisaasunik isumaqatigiissuteqarnikkut.