Angalanissanni allanngortoqaraangat tamatigut SMS atorlugu ilisimatitsiniartarpugut, inniminniininni oqarasuaativit normua allanneqarsimatillugu. SMS-erfigineqannginnermullu peqqutaasut arlaqarsinnaapput.
Peqqutaasut nalinginnaanerpaat makkuusinnaaput:
- Inniminniininni mobilivit normua allassimanngilat
- Mobilip normua kukkusumik allanneqarsimalluni imaluunniit atorsinnaanani.
- Angalatitsivik aqqutigalugu inniminniisimallutit mobilivit normua allanneqarsimanani ingerlateqqinneqarsimananiluunniit.
- Mobileqartitsisuit SMS nassiunneqartoq tigujumanagu imaluunniit kinguaattoortillugu.
- Mobilit matoqqasimavoq imaluunniit SMS nassiunneqarmat attaveqarani.
Tamatigut SMS-erfigineqarnissat ima qulakkeersinnaavat
Angalanerit pillugu ilisimatissagutsigit makku innersuussutigisinnaavagut:
- Angalanissavit inniminnernerani normorisaq atuuttoq allaguk.
- Mobilivit normua eqqortuusoq misissorlugu, angalatitsivik aqqutigalugu inniminniiguit.
- Attavigineqarnissannut paasissutissat nutarterlugit, aallannginnerni allanngorsimappata.
- Mobilit ikinneqarsimalluni attaveqarlunilu taamaalillutit SMS-ikkut ilisimatinneqarsinnaallutit.
Angalatitsivikkut inniminniisimavit?
Angalatitsivik aqqutigalugu angalanissat inniminnersimagukku angalatitsiviup inniminniininni attaviginissannut paasissutissat aqussimassavai. Air Greenlandimit SMS-inik nutartikkanik pissarsisarusukkuit innersuussutigissavarput angalatitsivik attavigissagit qulakkeeqqullugu inniminniininni mobilivit normua eqqortuusoq.
Taamaattumik innersuussutigissavarput ataavartumik e-mailit nakkutigissagit immaqalu angalatitsivimmit angalanissannik pisiffinnit ilisimatitsissutaasinnaasut.
Paasissutissanik nutanik paasiniaaguit Air Greenlandip appia atoruk
Innersuussutigissavarputtaaq Air Greenlandip appia aariarlugu atortassagit. Angalaninni allanngortoqaraangat timminissamut paasissutissat kingullerpaat nutartikkallu aamma appimi takuneqarsinnaassapput.
Appi atorlugu inniminiinerit ajornaatsumik takusinnaassavat angalaninnilu allannguutaasinnaasut malinnaavigalugit.