Air Greenlandimi silaannakkut angallassinermik ukiut 60-it sinnerlugit misilittagaqartuuvugut, uagullu sulisutta sungiusimavaat ilaasunik immikkut pisariaqartitsisunik ikiuinissaq.
Oqaluttuutsigut – ikiussavatsigit:
Nangaassuteqarnak attaveqarfigitigut angalaninnut atatillugu ikiorneqarnissamik pisariaqartitsiguit. Innersuussutigaarput bilitsimik inniminniininni tamatuminnga ilisimateriissagitsigut, imaluunniit aallannginnermi kingusinnerpaamik nal. akunneri 48-t sioqqullugit, taamatut ilinnik ikiuinissarput eqqortoq piareerlugu sillimaffigereerniassagatsigu.
Qanoq ikiorsinnaavatsigit?
- Timmisartornissamik annilaanganeq
- Pitsorluttuugaanni
- Isigiarsuttuugaanni
- Meeqqat aamma inuusuttut ingiallorteqanngitsut
- Peqqissutsikkut mianerisassat
- Ersinngitsumik innarluuteqarnermi
- Angalasut angalanissamik sungiussisimanngitsut
- Nangaassuteqarnak aperitigut arlaannik ikiorneqarnissamik pisariaqartitsiguit, taava qanoq iliorsinnaanerput misissussavarput.
Sumut saaffiginnissavit?
Ikiorneqarnissamik pisariaqartitsiguit, taava bilitsisiffiit saaffigissavat:
- Air Greenland: Bilitsit toqqaannartumik Air Greenlandip inniminniinermut portaliani pisiarisimagukku Air Greenlandip Callcenteria aqqutigalugu saaffiginnissatit uunga Attaveqarfigitigut saaffiginnissaatit imaluunniit sianerlutit uunga +299 70 12 12.
- Angalatitsivik: Angalatitsivik aqqutigalugu bilitsit pisiarisimagukku, taakku toqqaannartumik attaveqarfigissavatit.
Qanoq akeqarpa?
Sullissinerit aalajangersimasut bilitsip akianut ilaapput, allalli akiliinikkut neqeroorutaallutik. Takukkit ikiorneqarnermi pineqartumi suut piumasaqaataanersut uani.
Neriuppugut pisariaqartitat paasissutissat pissarsiarisimassagit, taamaanngippat attaveqarffigeriannguartigut.
Timmisartumut tikilluaqqunissat qilanaaraarput, ilorrisimaarnartumillu angalanissannik kissaappatsigit.