Air Greenlandimi nassatat tigummiaannakkat bilitsip akianut ilaapput. Immikkut allanik malittarisassaqarpoq amerlassusiannut, oqimaassusiannut aamma angissusiannut, inussiarnisaartumillu qinnuigaatsigit suut timmisartup iluani nassaqqusaanngitsut pillugit allassimasoq maluginiaqqullugu.
Takuss, standard aamma standardflex bilitsit
- 1 nassataq tigummiaannagaq
- Annerpaamik 8 kg-mik oqimaassuseqassaaq
- Annerpaamik 55 x 40 x 23 cm-isut angissuseqassaaq
Premium aamma premium bilitsit:
- Nassatat tigummiaannakkat marluk
- Annerpaamik katillugit 8 kg-mik oqimaassuseqassapput
- Annerpaamik 55 x 40 x 23 cm-isut angissuseqassaaq
Nassatat tigummiaannakkat sinneraanni
Nassatat tigummiaannakkat timmisartup iluanut atatillugu amerlavallaarpata Air Greenland pisussaatitaavoq pisattat ilaat timmisartumi nassatut inissiivimmut ilinissaannut.
Nassatat tigummiaannakkat sinneruttut imaluunniit nassatat tigummiaannakkat angivallaartut tunniussinermi ilaasunit arsaarinnissutigineqassapput, uuttortarneqarlutik aamma ilaasup tikiffissaanik nalunaarneqassallutik nassatatullu allanut ilanngullugit assartugassanngortinneqarlutik.
Nassatani tigummiaannakkani imerpalasut aamma imerpalasut allat
Imerpalasuusivik ataaseq imaluunniit arlallit nassarsinnaavatit, tamarmik immikkut annerpaamik 100 ml-iusut.
Annerpaamik killiffik: Katillugu imerpalasumik 1 literimik nassarsinnaavutit, kisianni taanna imerpalasuusivinni annerpaamik 100 ml-iusinnaapput. Tassa imerpalasuusiviit mikisut puussiaaqqami plastikimi ataatsimi akimut ersittuumiissinnaassapput, puussiaaqqami matuneqarsinnaasumi 1 literimik imaqarsinnaasumi.
Nakorsaatit
Timmisartornermi nakorsaatit pisariaqartut nassatatut ilinnit tigoriaannanngorlugit tigummiaannakkatut nassarneqassapput. Timmisartornerup nalaani iltimik imaluunniit illit nassatannik iltilersuummik pisariaqartitsiguit, taava aallannginnermi piffissaqarfigilluarlugu Air Greenland attaveqarfigissavat.
Nassatat tigummiaannakkat saniatigut uku tulliuttut nassarsinnaavatit:
- Nioqqutit akiitsuuteqanngitsut timmisartumi imaluunniit mittarfeqarfimmi pisiat
- Arnat pooqattaat mikisoq ataaseq imaluunniit allattaaviit
- Qaatigooq
- Assiliivik mikisoq imaluunniit qinngutit
- Atuagassiat
- Sialussiut alanngittaat imaluunniit ajaappiaq
- Meeqqap eqqiluisaarnissaanut pooqattaq aamma babylift (meeqqamik angalaqateqaruit)
Timmisartup iluaneeqqusaanngitsut
Isumannaallisaaneq eqqarsaatigalugu qinnuigineqarputit maluginiaqqullugu pequt nassatat aalajangersimasut timmisartup iluanut nassaqqusaanngimmata. Taakku suunerannik allattorsimaffik takuneqarsinnaapput uani