Issiavimmik kaassuartakkamik atuisuuguit issiavik akeqanngitsumik nassarsinnaavat.
Aallannginninni piffissaalluarallartillugu issiavik kaassuartagaq patisimalluni angissusianik oqimaassusianillu ilisimatissavatsigut. Issiavik kaassuartagaq nassatanut allanut ilanngullugu tunniunneqartussaavoq. Timmisartup usisarfiani pigisanut allanut ajoqusiisinnaajunnaarlugu, imaluunniit issiavik ajoqusersinnaajunnaarlugu poortorneqassaaq.
Issiavik kaassuartagaq isumannaatsumik poortorneqarsimanani ajoqusersimappat Air Greenlandip tamanna akisussaaffigissanngilaa. Mittarfimmiinniinni issiavimmik kaassuartakkamik pisariaqartitsiguit siumoortumik inniminniisinnaavutit.
Issiaviit kaassuartakkat nassatarinissaanut akuerisat
Issiavik kaassuartagaq, ilaasussap pisariaqartitsinera aallaavigalugu nalilerneqartarpoq akeqanngitsumik nassatarineqarsinnaanersoq, imaluunniit nassatat tunniussanut ilanngunneqassanersoq.
MALUGIUK!
Ilaasussat issiaviit kaassuartakkat patitsissinnaasut ikiartornermi atorsinnaammatigit, ikilernermi usisanut ilisillugit. Bateeritortut/innaallagiatortunullu tamanna atuutinngilaq.
Batteerit akuerisat
- Tør-batteri
- Gel-batteri
- Våd-batteri - nassiussat ulorianartutut nassiunneqartuaannassapput (Dangerous Goods)
Issiaviit kaassuartakkat poortorluarneqartassapput, assartorneqarnissamut tulluuttumik, nassatanillu isumaginninnermi aserorsinnaajunnaarlugit.
Issiaviit innaallagiatortut/batteritortunut maleruagassat ukuupput:
- Batteri nappartillugit inissisimatinneqassapput
- Batteri issiavimmut aaliangersorneqarsimassaaq
- Batterip ledning-tai piiarsimassapput
- Batterimut ikkuffii matuneqarsimassapput (tape imaluunniit matunik plastikkiusunik, tamakku angalasussap nammineq pigissavai)
- Issiavik kaassuartagaq napparlugu ilineqassaaq
Qulaani allassimasut eqquutsinneqarsinnaanngippata, batteri issiavimmiit peerneqassaaq nassiussatullu ulorianartutut nassiullugu.
Issiaviit kaassuartakkat allat aammalu allanik batteeritortut soorlu Lithium batteriinik batterillit akuerisaanngillat.