Illit issiavimmik assakaasulimmik atugaqartuuguit, taanna akeqanngitsumik nassarsinnaavat. Sapinngisamik pitsaanerpaamik taanna assartorsinnaassagutsigu inussiarnersumik qinnuigaatsigit piffissaqarluarlutit attaveqarfigissagitsigut issiaviillu assakaasullip pertitersimatillugu angissusiata aamma oqimaassusiata uagutsinnut nalunaarutiginissaa.
Issiavik assakaasulik qanoq nassarneqassava?
Nassatat tunniunneqareersut:
- Aallaaviussaaq issiaviup assakaasullip nassatatut allatulli nassatanik tunniussivimmi tunniunneqarnissaa
- Issiavik assakaasulik isumannaallisarlugu poortorneqarsimassaaq, taamatut assartornera isumannaatsuuniassammat
- Ajoquserneqarsimassappat Air Greenlandip tamanna akisussaaffiginngilaa issiavik assakaasulik eqqortumik poortorneqarsimanngippat
Tikiffimmi (gate):
- Issiavik assakaasulik pertiterneqarsimasoq gate tikillugu nassarneqarsinnaavoq, tassannga timmisartumi assartukkanut inissiivimmut ilineqassalluni.
- Tamanna atuutinngilaq issiavinnut assakaasulinnut innaallagiatortunut imaluunniit batteriitortunut, imaluunniit issiavinnut assakaasulinnut pertiterneqarsinnaanngitsunut.
Mittarfeqarfimmi issiavimmik assakaasulimmik pisariaqartitsivit?
Mittarfeqarfimmi issiavimmik assakaasulimmik pisariaqartitsiguit siumut inniminniisinnaavutit angalanissamik pisiffigisat attaveqarfigalugu.
Angalanissat Air Greenlandimi toqqaannartumik pisiarisimagukku Callcentererput attaveqarfigissavat ugguuna ”attaveqarfigitigut” imaluunniit sianerlutit uunga +299 70 12 12. Angalatitsivik aqqutigalugu angalanissat pisiarisimagukku taanna attaveqarfigissavat.
Batteriit
- Batteriit nalinginnaasut aamma gel-batteriit akuerineqarput.
- Batteriit imerpalasortallit tamatigut immikkut nassiussatut nassiunneqassapput (Dangerous Goods) (Nassiussat navianartut).
- Issiaviit assakaasullit allallu ikiuutit lithium-batteerillit akuerineqanngillat.
Issiavinnut assakaasulinnut innaallagiatortunut/batteriitortunut malittarisassat
- Batteriit nappaarissunngorlugit inissinneqassapput isumannaatsumillu qajannaarneqassallutik sarfap ingerlaffigisinnaanngisai atorlugit.
- Ledningit batteriinut attaveerutinneqassapput.
- Batteriit isui asserneqassapput sarfap ingerlaffigisinnaanngisai atorlugit (soorlu ass. nipinnertooq imaluunnit assiaqut plastik, illit nammineq nassatannit).
- Issiavik assakaasulik napparlugu timmisartumi assartukkanut inissiivimmi inissinneqassaaq.
- Piumasaqaatit tamakku eqquutsinneqanngippata batteriit peerneqassapput Dangerous Goods (Nassiussaat ulorianartut) nassiunneqartussatut tunniunneqarlutik.