Nerisassanik qerisunik nassataqarsinnaavunga?
Inassutigissavarput nioqqutissat qerisut timmisartumit assartorneqarlutik nassiunneqarnissaat aqqutaani ajoquserneqarnissaat pinngitsoortinniarlugu. Qaqutigoortumik nerisassat qerisut nassatatut tunniussatut akuerineqarsinnaapput timmisartumi assartukkanut inissiivimmiippata, makku tulliuttut malittarisassat malinneqassapput:
- Angalanerup sivisussusissaa tamakkerlugu akunnernik 8-nik sivisunerunngippat
- Assartuineq nammineq akisussaaffigalugu pippat aamma immikkut pooqattami poortorneqarsimappata nalunaaqutserlugu “nerisassat qerisut”.
- Nerisassat immikkut pooqattami plastikimut poorneqarsimassapput imaluunniit allami erngartitsisinnaanngitsumi.
- Aallannginnermi tunniussivimmi sulisut aperineqarsinnaapput aallanngitsiarnerup tungaanut nerisassat qerititsivimmiissinnaanersut.
- Periarfissaqarpat tamanna, nerisassat timmisartumut assartukkanut inissiivimmut kiassarneqanngitsumut ikineqassapput.
Sooq immikkut malittarisassaqarpa?
Neqi, aalisagaq assingusullu qerisut angalanerup nalaani aassinnaapput. Tamatuma kingunerisinnaavaa erngartoqalernera (imeq, aak, neqip issera il.il.), nassatanit kuussinnaasoq allat angalasut pisataannik aamma timmisartup assartukkanut inissiivianik ajoqusiisinnaavoq.
Ilaasussat namminneq nerisassanik qerisunik tunniussisimallutik nassartut taamaattumik taarsiissuteqarnissaat angalasunit allanit aamma timmisartuutileqatigiiffimmit piumasaqarfigineqarsinnaapput, taamatut ajoqusiinerit pitsaaliornissaat akisusinnaammat.
Qerisunik nerisassanik tigummiaannakkatut nassarsinnaavunga?
Nerisassanik qerisunik tigummiaannakkatut nassataqarnissaq inerteqqutaavoq.
Danmarkip aamma Kalaallit Nunaata akornanni neqimik assartuinermi killilersuinerit
Danmarkip aamma Kalaallit Nunaata akornanni neqimik assartuineq kissaatigigukku illit nammineq malittarisassanik atuuttunik paasissutissanik pissarsissaatit uani:
Aalisarnermut, Piniarnermut aamma Nunalerinermut Naalakkersuisoqarfik
Nuummi Uumasunut Nakorsaqarfik
Postboks 269
3900 Nuuk
Aammattaaq atuarsinnaavat Uumasunit nerisassiassanik Danmarkimut eqqussuisinnaatitaaneq
Air Greenland akisussaatinneqarsinnaanngilaq ilaasussat malittarisassanik atuuttunik unioqqutitsippata.