Angalanissat toqqaannartumik Air Greenlandimi inniminnersimagukku, taava Bilitsera iserfigisinnaavat, tassani internet aqqutigalugu akisunermut nuussisinnaavutit, allanngortitsillutit imaluunniit Air Greenlandimi timmisartumut bilitsit utertissinnaallugu.

Air Greenlandimi bilitsit assigiinngitsuupput, aamma periarfissaavoq allanngortitsineq, akisunermut nuussineq imaluunniit utertitsisinnaanermut apeqqutaavoq illit sorlermik bilitseqarnersutit.

Bilitsit Takuss, Standard aamma Premium

Allanngortitsineq ullormik imaluunniit piffissamik

Angalaninni ulloq imaluunniit piffissaq allanngortissinnaavat allanngortitsinermut akiliut akilerlugu tamanna pissaaq aallarnissaq nal. akunnerinik marlunnik sioqqullugu. Inummut ataatsimut akiliut tassaavoq 750 DKK aammattaaq ullup aallarfissaagaluartup aamma ullup aallarfissanngortup akiisa assigiinngissutaat ilanngunneqassaaq. Tamanna atuuppoq Kalaallit Nunaanni namminermi aamma Atlantikorsuaq ikaarlugu angalanerni.

Ajoraluartumik akisunermut nuussinerup peqqissimissutiginissaa ajornarpoq, aamma nal. akunnerisa 24-t iluanni maleruaqqusami. Taamaattumik utertitsinissamut neqerooruteqarsinnaanngilagut, akisunermut nuussinerup kingumut utertinneqarnissaa kissaatigineqarpat.

Maluginiagassaq

• Angalanissaq ataatsimut angalanissatut pisiarineqarsimappat (akilikkatut aamma ataatsimoortutut tunniussatut), allanngortitsinermut akiliut ataaseq taamaallaat akilerneqassaaq. Tassa imaappoq inummut ataatsimut 750 DKK.
• Angalanissaq marluk ataatsimoorpata (akilikkatut aamma immikkut tunniussatut), taava allanngortitsinermut akiliut angalanernut allanngortinneqartunut ataasiakkaanut akilerneqassaaq.
• Allanngortitsinermut akiliut allanngortitsinerit tamaasa akilersinneqassaaq. Aallarnissat aamma angerlamut uterlutit angalanissatit ataatsikkut allanngortikkukkit, taava inummut ataatsimut 750 DKK akiligassaq akileqquneqassaaq. Akerlianik akiligassat marluk akileqquneqassapput, aallarnissamut aamma angerlamut angalanissamut allanngortitsinerit immikkoortillugit ingerlanneqarpata.  
• Bilitsini Takuss, Standard aamma Pitsaanermi atit allassimasut allanngortinnissaat ajornarpoq.
• Angalanerit Air Greenlandimi toqqaannartumik inniminnersimagukku illit nammineq bilitsit allanngortissinnaavat internetikkut uani Bilitsera, tassani aammattaaq akit takuneqarsinnaapput.
• Inniminnikkavit allanngortinnissaanut Air Greenlandimi Call Centerimi ikiorneqarnissat kissaatigigukku, taava Atuisunut sullissivik aqqutigalugu attaveqarfigissavatsigut.

Tassani akiata assigiinngissutaata akiata aamma allanngortitsinermut akiliutip saniatigut, sullissinermut akiliut akilersinneqassaaq, inummut ataatsimut 300 DKK.

• Bilitsit angalatitsivimmi pisiarisimagukku, taava qinnuigineqarputit angalatitsivik attaveqarfigeqqullugu.

Akisunermut nuussineq

Bilitsit Takuss aamma Standard Premium-imut nuunneqarsinnaapput.

Akisunermut nuussineq internetikkut ingerlanneqarsinnaavoq aallarnissaq nal. akunnerinik marlunnik sioqqullugu una aqqutigalugu Bilitsera, imaappat Air Greenlandip nittartagaa aqqutigalugu imaluunniit Air Greenlandip Call Centeria aqqutigalugu bilitsi pisiarineqarsimappat.

Ajoraluartumik akisunermut nuussinerup peqqissimissutiginissaa ajornarpoq, aamma nal. akunnerisa 24-t iluanni maleruaqqusami. Taamaattumik utertitsinissamut neqerooruteqarsinnaanngilagut, akisunermut nuussinerup kingumut utertinneqarnissaa kissaatigineqarpat.

Akisunermut nuussineq aallarnissap ullua allanngortinnagu 
Tamanna atuuppoq aallarnissap ulluanik allanngortitsinani.
Akia: Bilitsip pigineqartup aamma nutaap akiisa assigiinngissutaat.

Akisunermut nuussineq aallarnissap ullua allanngortillugu 
Tamanna atuuppoq aallarnissap ulluanik allanngortitsigaanni taamatuttaaq akisunermut nuussigaanni. 
Akia: Inummut ataatsimut 750 DKK aammattaaq bilitsip pigineqartup aamma nutaap akiisa assigiinngissutaat.

Aallariartortarfimmi akisunermut nuussineq 
Bilitsinik akisunermut nuussineq kingusinnerpaamik aallarnissaq nal. akunnerinik marlunnik sioqqullugu inniminnerneqartussaavoq. Taamaattumik nassatanik tunniussinermut atatillugu akisunermut nuussinermut akiliinissaq ajornarpoq.

Utertitsineq 
Bilitsit Takuss, Standard aamma Premium taakua akii utertinneqarsinnaanngillat. Taamaattumik bilitsit atorunnaarsikkukku taamaallaat akileraarut aamma mittarfimmut akiliut utertissinnaavatit.

Issiavimmik toqqaaneq

Bilitsit Standard aamma Premium atoraanni akeqanngitsumik issiavimmik toqqaasoqarsinnaavoq (nissut inissaqarnerunissaat ilaanngilaq).

Takuss atoraanni issiavimmik toqqaaneq inniminniinermi inummut ataatsimut 150 DKK-nik akeqarpoq. Issiavimmik toqqaareeraanni tamanna peqqissimissutigineqarsinnaanngilaq akiliutigisanik utertitsiniarluni.

Standard Flex aamma Premium Flex

Ullormik aamma piffissamik allanngortitsineq

Angalanerni kissaatigineqartunik inissaqarpat killilersorneqanngitsumik ulloq aallarfissaq/piffissaq allanngortissinnaavat.
Bilitsit toqqaannartumik Air Greenlandimi pisiarisimagukku taava illit nammineq allanngortitsisinnaavutit, inniminniisarfik aqqutigalugu uunga Bilitsera iserlutit, angalanissap aallartinnissaa kingusinnerpaamik nal. akunnerinik marlunnik sioqqullugu, imaluunniit uagutsinnut attaveqarsinnaavutit imaluunniit angalatitsivimmut atorsimasannut.

Akisunermut nuussineq

Bilitsit Standard Flex nuunneqarsinnaapput ukununnga Premium aamma Premium Flex. (MALUGIUK. Premium-imut nuussereeraanni akiliutigisat tamakkerlugit utertinnissaat ajornarpoq).
Akisunermut nuussineq internet aqqutigalugu ingerlanneqarsinnaavoq Bilitsera aqqutigalugu imaappat bilitsi Air Greenlandip nittartagaa aqqutigalugu pisiarineqarsimalluni, imaluunniit Air Greenlandip Call Centeria aqqutigalugu una Atuisunut sullissivik attavigiuk atorlugu.

Akisunermut nuussineq aallarnissap ullua allanngortinnagu 
Tamanna atuuppoq aallarnissap ulluanik allanngortitsinani.
Akia: Bilitsip pigineqartup aamma nutaap akiisa assigiinngissutaat.

Akisunermut nuussineq aallarnissap ullua allanngortillugu 
Tamanna atuuppoq aallarnissap ulluanik allanngortitsigaanni taamatuttaaq akisunermut nuussigaanni.

Akia: Bilitsip pigineqartup aamma nutaap akiisa assigiinngissutaat.

Aallariartortarfimmi akisunermut nuussineq 
Bilitsinik akisunermut nuussineq kingusinnerpaamik aallarnissaq nal. akunnerinik marlunnik sioqqullugu inniminnerneqartussaavoq. Taamaattumik nassatanik tunniussinermut atatillugu akisunermut nuussinermut akiliinissaq ajornarpoq.

Utertitsineq 
Bilitsit Standard Flex aamma Premium Flex atoraanni akiat tamarmi tamatigut utertinneqarsinnaavoq. Malugiuk utertitsinermut akiliut akileqquneqassammat inummut ataatsimut 100 DKK.

Sukumiinerusumik atuarit uani Angallassinermi aalajangersakkat 

 

Bilitsit pillugit aalajangersakkat nalinginnaasut

• Bilitsit aallarnissaq sioqqullugu nal. akunneri marluk tikillugit internetikkut atorunnaarsinneqarsinnaapput, kiisalu nalingat utertinneqarsinnaasoq utertinneqassaaq kreditkortimut/Dankortimut, angalanissamik pisinermi atorneqarsimasumut utertinneqassaaq.
• Isorartussutsit timmisartorfiusimasut aamma utertitsinissamut sillimasiineq pisiarineqarsimappat taakkua utertinneqassanngillat.
• Eqqaamajuk nal. akunnerini 24-ni pisinerpit kingornatigut peqqissiminissamut periarfissaqaravit, bilitsip akia tamakkerlugu utertinnissaanut. Inussiarnersumik qinnuigineqarputit tamakkiisumik utertitsinissamut Attavigitigut immersoqqullugu. Tamanna atuutinngilaq allanngortitsinermut akiliut imaluunniit issiavimmik toqqaanissamut pisinermi atuutinngilaq.
• Timmisartumut bilitsi nammineq inuttut pisiarisat allanngortinniarukku imaluunniit akia utertinniarukku, taava saqqaani booking aqqutigalugu isissaatit tassani immikkoortoq "Bilitsera" tuussavat.
• Suliffeqarfittut tassani suliffeqarfimmi inniminniisarnermut akisussaasuusoq suliffeqarfiit isertarfiannut isissaaq kiisalu angalanerit allattorsimaffiat toqqarlugu.