Air Greenlandimut ilaalluni angalanermut akit akiliutinik tapinillu assigiinngitsunik ilaqarput. Ilaat timmisartuutileqatigiiffimmit aalajangigaapput, allat inatsisitigut maleruagassatigullu aalajangigaallutik. Angallaviit ilaanni akiliutit timmisartuussinermut aningaasartuuterpianit qaffasinnerupput.
Akiliutit, tapit akitsuutillu
Air Greenlandimut ilaalluni angalanermut akit akitsuutinik tapinillu assigiinngitsunik imaqarput. Ilaat uatsinnit aalajangigaapput, allallu inatsisit maleruagassallu aqqutigalugit akitsuutaallutik, taakkulu uagut sunniuteqarfigisinnaanngilavut isertitsissutiginagilluunniit.
Air Greenlandimi angalanissannik inniminniinerit tamaasa akiligassat tamakkiisoq, akiliutit akitsuutillu tamaasa ilanngullugit ilinnut paasissutissiissutigineqartarpoq.
Kiffartuunneqarnermut akiliut
Timmisartumut bilitsimik call centererput aqqutigalugu inniminniiguit, kiffartuunneqarnermut akiliut bilitsimut/inummut ataatsimut akilersissavarput.
Kiffartuunneqarnermut akiliut imatut isikkoqarpoq:
- Kalaallit Nunaata iluani/illoqarfiit akornanni angalanernut: Inummut ataatsimut DKK 300
- Nunat allat aamma Kalaallit Nunaata akornanni angalanernut: Inummut ataatsimut DKK 300
- Meeqqanut marluk inorlugit ukiulinnut kiffartuunneqarnermut akiliuteqartitsisoqartanngilaq
Allannguinerit taamaatitsinerillu
Billetsit allanngortinniarukku kingusinnerpaamik aallarfissaq akunnerit marluk sioqqullugu allanngortinneqassaaq. Billetsimik allannguineq call centerimi sullinneqarneq inummut ataatsimut 300 DKK akeqarpoq saniatigut akeqarpoq.
Billetsimik taamaatsitineq callcenterimi sullinneqarneq inummut ataatsimut 100 DKK akeqarpoq.
Standard allanngortinneqarsinnaavoq, allanngortitsinermi aki aammalu aallarfissaraluavit akia aallarfissallu nutaap akia nikingappata nikingassutaa akilerneqassaaq. Utertinneqarsinnaanngilaq
Standard Flex allanngortinneqarsinnaallunilu utertinneqarsinnaavoq.
Premium allanngortinneqarsinnaavoq, allanngortitsinermi aki aammalu aallarfissaraluavit akia aallarfissallu nutaap akia nikingappata nikingassutaa akilerneqassaaq.
Premium Flex allanngortinneqarsinnaallunilu utertinneqarsinnaavoq.
Takuss allanngortinneqarsinnaavoq, allanngortitsinermi aki aammalu aallarfissaraluavit akia aallarfissallu nutaap akia nikingappata nikingassutaa akilerneqassaaq. Utertinneqarsinnaanngilaq
Nunaqarfiinut/nit angalanissamik taamaatitsineq akeqanngilaq.
Issiavimmik toqqaaneq
call centererput aqqutigalugu inniminniiguit issiavimmik toqqaaneq saniatigut 100 DKK akeqarpoq.
Ikiorserneqarneq
Københavnip Mittarfianit aallartussanut tamanut ikiorserneqarnermut, inuttut ikiorneqarnermut kiffartuunneqarnermullu akiliut 6,00 kr.-iusoq akilersinneqartarpoq. Akiliut EU-mit aalajangigaavoq, aammalu bilitsimut akiusumut ilaatinneqarluni.
Aallarfissani ataasiakkaani angalasut immikkut ikiorneqarnissamik atorfissaqartitsisut amerlassusaat apeqqutaatillugu ikiorserneqarnissaq killeqarsinnaavoq.
Inuit ataasiakkaat pisariaqartitaat eqqarsaatigalugit, Air Greenland ingiaqateqarnissamut piumasaqaatinik saneqqutsinissamut akuersisinnaavoq.
Akiliisarnermut korti atorlugu akiliineq
Kortimik akiliinermi akitsuutit utertinneqarsinnaanngillat.
- Diners Club, 1,25 %
- EuroCard imaluunniit MasterCard, 1,99 %
- Visa, 1,45 %
Akiliutit akiliisitsisarfinnit ataasiakkaanit aalajangigaapput, aammalu angalanermut akiusup tamarmiusup procentianut aalajangersimasumut aalajangigaallutik. Akiliisitsisarfiit siumoortumik sivikitsumik piffissaqartitsillutik nalunaaruteqarnikkut akit allanngortissinnaavaat, aammalu akigititaasut siumoortumik sivikitsumik piffissaqartitsilluni allanngortinneqarsinnaapput. Sapinngisamik nittartagarput akinut nutaanut iluarsiniartarparput.
Mittarfinnut akitsuutit
Akitsuut Namminersorlutik Oqartussat ataanni Mittarfeqarfinnit aalajangigaavoq. Akitsuut mittarfinnik heliportinillu ingerlatsinermut tapiissutaavoq. Kalaallit Nunaata aamma Københavnip akornanni siumut utimullu timmisartuussinermi aningaasartuutit, Air Greenlandip sunniuteqarfigisinnaanngisai 950,- kr,-it missaanniipput.
Assersuutit:
| Aqqut | Inummut ataatsimut |
| Kangerlussuaq-København | DKK 631,- |
| Nuuk-Kangerlussuaq | DKK 314,- |
| Upernavik-Kullorsuaq | DKK 336,- |
Isumannaallisaanermut akitsuutit
Mittarfeqarfiit mittarfinni tamani isumannaallisaanermut akitsuutinik akiliisitsisarput. Akitsuut nunap iluani angallavini tamani 30 kr.-inut aalajangigaavoq, kiisalu Danmarkimut/Canadamut/Islandimut angallavinni 180 kr.-inut aalajangigaalluni.
Ikummatissamut tapiliussaq
Timmisartuussinerni Kalaallit Nunaanniit Danmarkimiillu angalanermi ikummatissamut tapiliussaq DKK 375 akilerneqartassaaq. Tapiliussaq imarpik ikaarlugu angalanerit tamaasa akiliutaasassaaq. Angalanernilu siumut utimullu DKK 750 akiliutigineqartassalluni.