Air Greenlandimi kissaatigaarput angalanerpit sapinngisamik pitsaanerpaamik aallartinnissaa. Taamaattumik timmisartup iluani inissinnissat ajornanngitsumik paasiuminartumillu pinissaa isumagissavarput – Atlantikorsuaq qulaallugu imaluunniit Kalaallit Nunaanni illoqarfiit akornanni angalassagaluaruilluunniit.
Nunatsinni angalanerit (Dash-8):
- Air Greenlandip Dash-8-mik Nunatsinni angalanerinut nassatannik tunniussininni issiaffissanik innersuunneqassaatit.
- Angalanerni taakkunani periarfissaqanngilaq siumut issiaffissamik inniminniinissaq, timmisartut qanoq ittuuneri, piginnaasai aamma timmisartornermi pissutsit assigiinngiiaarsinnaasarmata.
- Timmisartumut ikinermi allagartami (boardingkort) issiaffissavit normua allassimassaaq.
Helikopterimik angallaviit:
- Helikopterimik angalanerni immikkut issiaffissanik tunisisoqarneq ajorpoq, issiaviit normoqanngimmata.
- Tassa aallaaviusumik ilaasut ikigunik namminneq issiaffissaminnik toqqaassagamik.
- Ingerlatsineq aamma isumannaatsuunissaq eqqarsaatigalugit Air Greenland imminut pisussaatippoq helikopterimi issiaffissat aalajangersimasut innersuunnissaannut.
Atlantikorsuaq qulaallugu timmisartuussinerit:
- Atlantikorsuaq qulaallugu timmisartuussisarnitsinni illit nammineq issiaffissat toqqassavat onlinekkut bilitsimik inniminniininni.
- Ingerlatsineq aamma isumannaatsuunissaq eqqarsaatigalugit Air Greenland imminut pisussaatippoq issiaffissat inniminneriikkat akuersissutigineqareersullu timmisartumut ikineq tikillugu allanngortissinnaanissaannut.
- Periarfissaqanngilaq kingusinnerusukkut issiaffissamik immikkut pisisimanerup akiata utertinnissaanut.
- Pissusissamisoortoqannginnermi (timmisartuussinissaraluamik taamaatitsinermi) issiaffissamik inniminniineq atorunnaarsinneqassaaq. Issiaffissamik inniminniinerup akia uterneqassanngilaq.
- Issiaffissavit normua ikinermi allagartanni (boardingkort) allassimassaaq.
- Isumannaallisaanermik pissuteqartumik ilaasut ajornartoornermi anisarfiit eqqaanni issiasut pilertornerpaamik aamma ikiorneqarnatik ajornartoornermi matut ammarsinnaassavaat timmisartumilu saqisut ajornartoornermi ikiorlugit. Taamaattumik meeqqat, naalungiarsuit aamma inuit timimikkut imaluunniit tarnimikkut pisinnaasakitsut issiaffissani taakkunani issiasinnaanngillat.
Inissat pillugu arlaannik apeqqutissaqaruit nassatanik tunniussivik tunniussininni tamatigut imaluunniit timmisartumi saqisut aperisinnaassavatit.
Immikkut pisariaqartitat - salliusussaatitaanerit
Immikkut pisariaqartitsiguit innersuussutigaarput Air Greenland inniminniininni imaluunniit aallannginnermi kingusinnerpaamik nal. akunneri 48-t qaangiutsinnagit ilisimatissagit, taamatut uagut pisariaqartitannik sapinngisamik naammassinnissinnaaniassagatta, aamma sapinngisamik angalanerpit ilorrisimaarnartuunissaa eqqarsaatigalugu.
Taamaattoqartillugu Air Greenlandip Callcenteria attaveqarfigisinnaavat una aqqutigalugu Attavigitigut.
Ilinnik timmisartumut tikilluaqqusinissarput qilanaaraarput ilorrisimaarnartumillu angalanissannik kissaallutit.