Dansk
English
Uumasunik eqqussinissamut annissinissamullu Namminersorlutik Oqartussat akuersissuteqassapput. Uppernarsaatit akuersissutillu pisariaqartinneqartut pigineqartinnagit Air Greenland uumasunik timmisartunut ikititsineq ajorpoq.
Uumasut
Angalaninni uumasumik nassarniaruit, inniminniinermut nalunaarsorneqartussaammat piffissaalluartillugu uatsinnut attaveqassaatit. Innersuussutigaarput inniminniinnginninni Attavigitigut, angallavissat aaliangersimasut uumasunik assartuineq ajormata. Eqqussinissamut akuersissummik Kalaallit Nunaata Sinniisoqarfianut piniassaatit.
Eqqussinissamut akuersissummik peqanngikkuit, uumasup aallarunnissaa itigartinneqassaaq. Aamma nassatanik tunniussisarfimmi immersugassaq ”Uumasunik assartuinermut uppernarsaat”, quppernerup uuma ataatungaani nassaarisinnaasat immersussavat. Uumasumik immaqalu karsimik assartuinermut atorneqartumik assartuineq nassatatut sipporussatut akeqarput. Karsip uumasullu ataatsimut oqimaassusiat nassatanut nassarneqarsinnaasunut 20 aamma 30 kg-nut ilanngunneqarsinnaanngillat. Timmisartumi inissaq killeqarpoq. Qimminut uumasunullu allanut assartuinermut karsinik tuniniagaqanngilagut.
Uumasunik assartuussinissamut nassatanik sinniinertut online-kkut pisinissaq ajornarpoq. Uumasunik assartuussinissaq tunniussisarfimmi akilerneqassaaq.
Uumasoq timmisartup iluani nassatatut tigumiaannakkatut - Air Greenland-ip timmisartuutanut kisimi atuuppoq
-
Uumasuni qimmit qitsuillu kisimik kabinemut nassarneqarsinnaapput. Uumasut allat nassatatut, nassiussassatulluunniit nalunaarsoneqassapput.
- Uumasumut poorineqartoq karsiluunniit imermik pitarneqarsinnaassanngilaq, aammalu 55x40x23 cm sinnernagu angissuseqassalluni.
- Uumasoq timmisartorneq tamaat karsimiiginnassaaq imaluunniit taskimiiginnassaaq.
- Siunnersuutigaarput angalatnissinni uumasunik nassataqarussi, uumasoq tigumiakkamut aqittumut poorneqassasoq, issiaviup ataanut inississinneqarsinnaanngorlugu.
- Uumasoq pporisaa ilanngullugu annerpaamik 8 kg-nik oqimaassuseqassaaq. Kg-mut akiliisitsisarpugut, nassatat tigumiaannakkat allat oqimaassusaat apeqqutaatinnagu.
- Uumasoq ilaasunut allanut ajoqutaassanngilaq - aamma tipiliorneq eqqarsaatigalugu
- Uumasoq aallannginnermi eqqissisaammik iisitissinnaavat.
Uumasoq timmisartup usisarfianiititaq
- Uumasoq assartuinermut karsip akuerisap iluaniitinneqassaaq, taassumalu angissusiata 102x69x76 cm-it sinnersimassanngilai.
- Karsi qajannaatsuussaaq, imermik pitarneqarsinnaassanngilaq, minguitsuussaaq bakteriaajarneqarsimassalunilu.
- Karsip naqqa isugutammik milluaasinnaasunik qallerneqassaaq, soorlu sannakuaqqanik pilattornerlukunilluunniit. Ivikkat panertut atoqqusaanngillat.
- Karsi uumasumik assartornermi atorneqartup ilusilernerani uumasoq anisinnaassanngilaq, imminut ajoqusersinnaassanngilaq imaluunniit timmisartup usii ajoqusersinnaassanngilai.
- Karsi ima portutigissaaq uumasup ajornartorsiutitaqanngitsumik nikorfaffigisinnaallugulu, nikerarfigisinnaallugulu aamma innangaarfigisinnaassallugu.
- Ungerutissiat nuiuussat atoqqusaanngillat.
- Uumasoq aallarnissaq sioqqullugu eqqissisaammik iisitinneqarsinnaavoq.
- Aalisagaaqqanik nassarniaraanni puussiaaqqamut poortorsimaneqassapput, aammalu flamingo karsimut ikillugit.
Aajuk: "Uumasunik assartuinermut uppernarsaat" »