Uani quppernermi tunniussinermut, kinaassutsinnik uppernarsaanermut aamma aallannginninni kingusinnerpaamik piffissarititaasut pingaarnerpaat tamakkiisut takusinnaavatit.
Qaqugukkut tunniussisinnaavunga?
Nittartakkakkut tunniussineq:
- Air Greenlandip timmisartuussisarnerani tamani nittartakkakkut tunniussineq ammartarpoq aallannginnermi nal. akunneri 22-t sioqqullugit.
- Club Timmisa imaluunniit web-check-in aqqutigalugit tunniussisinnaavutit.
- Naggatit kiisalu bookingnormut imaluunniit e-ticketnormut allakkit.
- Tamatuma kingornatigut timmisartumut ikinermut uppernarsaatissat (boardingkort) toqqaannartumik mobilinni imaluunniit mailinni pissavat.
- Eqqaamallugu nassatat aallannginnermi nal. akunnera ataaseq sioqqullugu tunniunneqareersimassammata.
Aallalernermi saaffiginnittarfimmi tunniussineq:
- Kalaallit Nunaanni aallalinnginnermi saaffiginnittarfinnut tunniussineq ullormi tassani timmisartup siulliup aallannginnerani nal. akunneri marluk sioqqullugit ammartarput.
- Piffissaqarluarluni aallariartortoqassaaq, tunniussineq aallannginnermi nal. akunnera ataaseq sioqqullugu matuneqartarmat.
Nuummit aallassaguit innersuussutigaarput aallannginnermi nal. akunneri marluk sioqqullugit mittarfeqarfimmut takkutissasutit, tunniussisarfimmi aamma isumannaallisaalluni misissuinermi tulleriiaartunik utaqqisoqartarsinnaammat.
Danmarkimit aallassaguit innersuussutigaarput aallannginnermi nal. akunneri 2-3 sioqqullugit mittarfeqarfimmeereernissaq, tunniussisarfimmi aamma isumannaallisaalluni misissuinermi tulleriiaartunik utaqqisoqartarsinnaammat.
Isumassarsiatsialak:
Piffissamik atuilluarsinnaavutit sullissinermut maskiinat nammineq isumagisassat - Self-service check in - atorukkit bagdrop-imullu nassatat tunniullugu.
Tunniussineq qaqugu matussava?:
Tunniussineq aallannginnermi nal. akunnera ataaseq sioqqullugu matussaaq. Tassa taamaalinerani illit tunniussereersimassaatit tunniussiviullu matunnginnerani nassatatit tunniutereersimassallugit.
Kingusinaarluni tunniussineq:
Eqqaamallugu illit nammineq angalasutut akisussaaffigigakku piffissaagallartillugu tunniussinissat. Pilersaarutaasumik aallarnissaq nal. akunneranik ataatsimik sioqqullugu tunniussisimanngikkuit, taava tunniussisarfimmi aallarnissannut itigartinneqarsinnaavutit. Tamatuma kinguneranik timmisartornissannut bilitsit atorunnaassaaq aallarnissamullu allamut allanngortillugu atorneqarsinnaanani. Bilitsi utertinneqarsinnaanngilaq, taamaallaat akitsuuteqarsimappat akitsuutit utertinneqassallutik.
Qaqugu gate-miissaanga?
Aallannginnermi akunnerup affaa sioqqullugu mittarfeqarfimmiissaatit.
Malugiuk Nuummi aallannginnermi Security-mi minutsit 45-t sioqqqullugit misissortinneq pereersimassammat.
Kinaassutsimut uppernarsaatit atuuttut:
Kalaallit Nunaanni najugaqartuugaanni:
- Pas
- Biilersinnaanermut allagartaq
- CPR-nr.-mut uppernarsaat
- Kuisissimanermut allagartaq
- Sumi najugaqarnermut uppernarsaat
- Umiartortuunermut allagartaq
- Inunngornermut allagartaq
Sumi najugaqarninnut uppernarsaat online-kkut Innuttaasunut Sullissiviup nittartagaatigut www.sullissivik.gl aqqutigalugu anillatsissinnaavat.
Danmarkimi najugaqartuugaanni:
- Pas
- Biilersinnaanermut allagartaq
Angalasunut allanut:
- Pas
- Biilersinnaanermut allagartaq (nunani avannarlerni innuttaasunut)
- Angalanermut uppernarsaat qimarngusunut/naalagaaffinni innuttaassuseqanngitsunut
Visum:
Nunani Avannarlerni innuttaasut killilersorneqaratik Kalaallit Nunaannut angalasinnaapput, tamaaniissinnaallutillu sulisinnaapput. Malugiuk Danmarkimut visum Kalaallit Nunaannut isernissamut akuersissutaanngimmat.
Meeqqat:
- Pas
- Kuisinnermut uppernarsaat
- Sumi najugaqarnermut uppernarsaat
- Napparsimalernermut sillimmasiinermut uppernarsaat (meeqqat inunngornerminnit namminneq uppernarsaateqassapput)
Københavnimit ingerlaqqinneq?
Nunat avannarliit arlaannut angalaqqissaguit pas pisariaqartissanngilat.
Interline-isumaqatigiissutit?
Air Greenland maannakkut allanik timmisartuussinermik ingerlatsivinnik interline-isumaqatigiissutinik atuuttunik peqanngilaq, taamaattumik maannakkuugallartoq Københavnip mittarfeqarfianit allanut angalanissanut nassatat tunniunneqarnissaannut periarfissaqanngilaq.