Air Greenland-mik angalanermut tunniussisinnaanerit aallartittarput aallarfissaq 22 tiiminik sioqqullugu.
Tunniussiaarnissaq innersuutigaarput.
Kalaallit Nunaanni nassatanik tunniussineq aallarfissaq nal. ak. ataatsimik sioqqullugu naammassereersimassaaq.
Danmarkimilu aallarfissaq nal.ak. marlunnik minutsinillu 30-inik sioqqullugu tunniussinissamut piareersimanissaq innersuutigaarput, tunniussineq timmisartup aallarfissaa nal.ak ataatsimik sioqqullugu matusarmat.
Nassatanik tunniussereernerup kingorna, timmisartumik qangattarnissaq minutsit 45-rut sioqqullugit mittarfimmeereernissaq innersuutigaarput, isumannaallisaanikkut misissuisarfikkooreersimanissaq pissutigalugu.
Danmarkimit Nuummillu aallarnermi:
• Kingusinnerpaamik aallarnissaq nal. ak. ataatsimik sioqqullugu Københavnip mittarfianut isersimassaatit. Innersuussutigaarpulli nal. ak. marlunnik sioqqutsillutit mittarfimmut ornigunnissat, isumannaallisaanikkut misissuinerit anisarfimmullu apuunniarneq sivisusinnaasarmata. Københavnip Mittarfiani aallarnissaq nal. ak. marlunnik minutsinillu 30-inik sioqqullugu check-in ammassaaq.
• Københavnimit angalaguit kiffartuussiviit nammineerluni atoriaannaat Self-Service Check In atorlugit sukkanerusumik piareersinnaavutit, kingornalu nassatatit “bag drop”-imut tunniullugit.
Internetsikkut aamma mobilikkut nassatanik tunniussineq/ilaanissamut nalunaarneq
(Web Check-In aamma Mobil Check-In)
Kalaallit Nunaata iluani tassanngaanniillu aammalu Danmarkimiit angalassaguit, angerlarsimaffinniit Web-ikkut Mobil-ikkulluunniit ilaanissat nalunaareerukku piffissamik atorluaassaatit. Web Check-in atorukku ikinissamut allagartat qarasaasiakkut nammineq anillatsissinnaavat, Mobil Check-in-ilu atorukku ikinermut allagartaq toqqaannaq mobilikkut tigussavat, mittarfimmilu scannerlugu ’takussavaat’.
Web Check-in » -imut ingerlaqqigit
Mobile check-in » -imut ingerlaqqigit (Smartphone-ikkut)
Web- aamma Mobil Check-in-iluunniit atorukku naggatit inniminniikkavillu normua imaluunniit e-ticket-ivit (bilitsi elektroniski) normua taassavatit, timmisartumullu ikinnginninni kinaassutsimut uppernarsaat atuuttoq takutissinnaassavat. Timmisartumi issiavissat nammineq toqqarsinnaallugulu allanngortissinnaavat.
- Web- aamma Mobil Check-in aallarfissaq nal. ak. 22-nik kingusinnerpaamillu aallarfissaq nal. ataaseq sioqqullugu pisinnaavoq.
- Nassatanik tunniussassaqaruit taakku kingusinnerpaamik aallarfissaq nal.ak. ataaseq sioqqullugu tunniutereersimassapput. Københavnimiit aallartussaaguit nassatatit ”bag drop”-imut tunniukkukkit piffissamik atorluaassaatit.
Aallalernermi tunniussinermi
Nassatanik tunniussilerninni uku piareersimassavatit: Angalanissamik inniminniikkap normua, GL-normu (timmisartup normua, angalanissamut takussutissami allaqqasoq) aamma kinaassutsimut uppernarsaat.
Kinaassutsimut uppernarsaat akuerisaq - Kalaallit Nunaanni najugalinnut atuuttoq
Kalaallit Nunaanni najugaqartunut kinaassutsimut uppernarsaatit uku arlaat atorneqarsinnaasutut akuerisaapput: Sullisivik
- Pas-i
- Biilimik ingerlatsisinnaanermut uppernarsaat
- CPR-nr. (inuup normua) uppernarsaat
- Kuisinnermut allagartaq
- Sumi najugaqarnermut uppernarsaat
- Umiartortutut allagartaq
- Inunngornermut uppernarsaat
Sumi najugaqarnermut uppernarsaatit nammineerlutit innuttaasunut sullissivimmi, www.sullissivik.gl –mi iserlutit anillatsissinnaavat.
Kinaassutsimut uppernarsaat akuerisaq – Danmarkimi najugalinnut atuuttoq
Danmarkimi najugaqartunut kinaassutsimut uppernarsaatit uku arlaat atorneqarsinnaasutut akuerisaapput:
- Pas-i
- Biilimik ingerlatsisinnaanermut uppernarsaat
Kinaassutsimut uppernarsaat akuerisaq – nunani allani najugalinnut atuuttoq
Kinaassutsimut uppernarsaatit akuerisat ukuupput:
- Pas-i
- Finland-imi Sverige-milu naalagaaffimmiit kinaassutsimut uppernarsaat
- Biilimik ingerlatsisinnaanermut uppernarsaat (Innuttaasut Nunat Avannarlerniit)
- Angalanermut uppernarsaat qimaasut imaluunniit naalagaaffimmik innuttaaffeqanngitsunut allagartaq
Uani takuuk (qallunaatuinnaq allaqqavoq, qulequtaa ”Hvad er betingelserne?”): Visum til Færøerne og Grønland.
Meeqqanut kinaassutsimut upernarsaatit uku akuerisaapput:
- Pas-i
- Kuisinnermut allagartaq
- Sumi najugaqarnermut uppernarsaat
- Sygesikringsbevis-i (Napparsimalernissamut sillimmasiissut Danmarkimi najugalinnuinnaq atuuttoq)
EQQAAMAJUK: Meeqqat inunngornerminniit namminneq kinaassutsimut uppernarsaammik peqassapput
Københavnimiit ingerlaqqissavit?
Københavnimiit nunanut avannarlernut ingerlaqqissaguit pas-imik nassarnissaq pisariaqanngilaq.
Nassatanik tunniussinissamut takkutiaarnissaq pingaartuuvoq
Takkutiaartarit, minnerunngitsumik piffissami sulinngiffeqarfiup angallannerup nalaani! Timmisartup aallarfissaa nal.ak. ataatsimik sioqqullugu nassatanik tunniussineq pisimanngippat, ilaanissamut itigartinneqarsinnaavutit. Tamatumalu nassataanik bilitsit atorunnaarsinnaavoq, aallarfissamullu allamut nuunneqarsinnaanani. Bilitsi utertinneqarsinnaanngilaq, taamaallat akileraarutit akitsuutillu utertinneqarsinnaapput. Københavnip Mittarfiani aallarnissaq nal. ak. marlunnik minutsinillu 30-inik sioqqullugu check-in ammassaaq.
Ilinnut qulakkeerinnissutaavoq
Timmisartup aallarfissaa nal.ak. ataaseq sioqqullugu tunniussereersimanissamut uku peqqutaapput: Air Greenlandip sulisuisa sillimmaniarneq tunngavigalugu nassatat tamaasa qinngortarlugit misissugassaraat, ornitat najoqqutaralugit immikkoortiterlugit kiisalu nassatat timmisartumut assartorlugit. Timmisartullu orsersornissaanut nassatat aamma apeqqutaasarput.
Allanut timmisartuutileqatigiiffinnut isumaqatigiissutit
Maannakkorpiaq Air Greenland allanut timmasartuutileqatigiiffinnut isumaqatigiissuteqanngilaq.
Taamaattumik maannakkut nassatat taammaallaat København tikillugu tunniunneqarsinnaapput.