Air Greenlandimik angalaninni bilitsip akianut ilaasumik aalajangersimasunik oqimaassusilinnik nassataqartoqartarpoq. Nassatat oqimaassutsimik aalajangersimasumik qaangiisut nassatatut oqimaassutsimik qaangiisutut isigineqartarput akillu atuuttut malillugit akilerneqassallutik.
Nassatat akuerisaasumik oqimaassuseqarnissaat pillugu uani atuarneqarsinnaavoq ”Nassatat”
Akigitinneqartoq aamma akiliineq:
Nassatat oqimaassusissamik qaangiisut akiannut apeqqutaavoq timmisartornerup isorartussusia aamma timmisartorneq sorliunersoq.
Paasitinneqarsinnaavutit maannakkut akiusoq pillugu aallarfinni mittarfeqarfimmi/heliportimi.
Marlussunnik ataani assersuuteqarpugut illit nammineq akigitinneqartut qanoq ittuunerannik paasisaqarfigisassannik.
Nassatat oqimaassusissaannik qaangiinermi akiligassaq nassatanik tunniussivimmi aallannginnermi akilerneqassaaq, nittartakkakkut imaluunniit angalatitsiviit aqqutigalugu immikkut oqimaassusissamik qaangiinissamik akileereersimanngikkuit.
Oqimaassusissamik qaangiinissamut nittartakkakkut pisigit 30 %-illu tikillugit sipaarlugit
Air Greenlandip nittartagaani toqqaannartumik pisinikkut periarfissaqarputit immikkut nassataqarnissamut pisinissannut, tamanna angalanissavit inniminnernerani pereersinnaavoq, taamaalillutillu oqimaassusissamik qaangiinermi akigitinneqartup 30 %-a tikillugu sipaaruteqarsinnaallutit.
Kingusinnerusukkut nassaatat ilaniarukkit, ajornanngitsumik taamaaliorsinnaavutit Bilitsera aqqutigalugu uani www.airgreenland.dk
Malugiuk oqimaassusissamik qaangiinerit siumut inniminneriikkat akiat utertinneqarsinnaanngimmat.
Angalanissat angalatitsivik aqqutigalugu pisiarineqarsimappat qinnuigaatsigit taanna attaveqarfigeqqullugu.
Oqimaassusissamik qaangiinerup killia annerpaaq:
Angalasoq angalanissamik inniminniinermi 75 kg tikillugit immikkut nassatassanik siumut inniminniinissamut periarfissaqarpoq, imaluunniit una aqqutigalugu ”Bilitsera” Air Greenlandip nittartagaani.
Oqimaassusissamik qaangiinermi 75 kg qaangerneqassappat Callcenter aqqutigalugu una Attaveqarfigitigut piffissaqarfigilluarlugu inniminnerneqassaaq, uagut timmisartup iluani issiavissat atorneqannginniassammata. Qanoq oqimaatsiginerat kg.-nngorlugu, suunerat aamma angissusiat ilisimatitsissutigineqassapput.
Allatut iliussagaanni nassatat ilaat assartukkatut nassiunneqassapput.
Akianut apeqqutaavoq angalanerup qanoq isorartutiginera, taamaattumillu angalanerit toqqakkat suuneri apeqqutaallutik allanngorsinnaallutik.
Isumannaatsuunissaq eqqarsaatigalugu sulisuvut immikkut 30 kg sinnerlugit kivitseqqusaanngillat. Taamaattumik innersuussutigaarput nassatat 30 kg sinneqartut immikkut allanut ilanngunneqarnissaat, soorlu ass. kuffertinut, pooqattanut imaluunniit assingusunut.
Qujanaq sulisuvut assartukkanik suliaqartartut paarineqarnerannut peqataagavit. Timmisartumut ikiguit tikilluaqqunissat qilanaaraarput.