Air Greenlandip neqeroorutigisarpaa meeqqat kisimiillutik angalasut ingiallorteqarnissaat ”Unaccompanied Minor Service (UMNR)”.
Sullissinerup tamatuma qulakkiissavaa meeqqap sulisutsinnit immikkut maluginiarneqarnissaa aamma ikiorneqarnissaa.
Tamanna kikkunnut atuuppa?
- Meeqqanut kisimiillutik angalasunut 5-12-inik ukiulinnut ”Unaccompanied Minor Service (UMNR)” pinngitsoornani atuutsinneqassaaq.
- Meeqqanut 12-15-inik ukiulinnut tamanna toqqarusunnginneqarsinnaavoq, innersuussutaallunili.
- Sullissineq inniminnerneqanngippat meeqqap angallanneqarnissaa taamaallaat akuerineqarsinnaavoq meeraq inummit ikinnerpaamik 16-inik ukiulimmit ingiallorteqarpat.
Inniminniineq:
Meeqqap ingiallorteqanngitsup bilitsissaanik kiisalu ingiallorteqarnissaanut sullissinermik inniminniineq pissaaq Air Greenlandip Callcenteria una aqqutigalugu Atuisunut sullisivik attavigiuk, imaluunniit angalatitsivik aqqutigalugu. Bilitsip akiata saniatigut ingiallorteqarnissaanut akiliut 250 kr.-iuvoq aallarnissamik ullormiit sullissinissamut.
Inniminniinermi makku ilisimatitsissutigissavatit:
- Aallarnermi: Aallalernermi meeqqamik aggiussisup inuup aqqa, najugaa aamma telefon normua.
- Tikinnermi: Tikinnermi meeqqamut niuffiortup aqqa, najugaa aamma telefon normua.
- Aqqusaarnermi: Aqqutaata ilaani meeraq allamut timmisartumut ilaassappat, taava illit aammattaaq illoqarfimmi tamaani attaveqarfigisassat inuit ilisimatitsissutigissavatit.
Taamatut iliorsinnaavutit immersugassaq ”Meeqqamut kisimiilluni angalasumut uppernarsaat” immersorneratigut taannalu Air Greenlandip Callcenterianut una aqqutigalugu Atuisunut sullisivik attavigiuk nassiullugu.
Ullormi aallarfiusumi:
- Innersuussutigaarput aallannginnermi tunniussinissamut nal. akunneri 2 sioqqullugit ornigunnissaq.
- Inuup meeqqamik aterfiortup meeqqap tunniussinerani ikiussavaa, timmisartullu qangattarnissaata tungaanut mittarfeqarfimmiissalluni.
- Mittarfeqarfimmi sulisuvut imaluunniit suleqativut meeraq isumannaallisaanermut misissortinnerani timmisartumullu ikinissaanut ingiassavaat.
- Taava timmisartup iluani saqisut timmisartornerup nalaani meeraq isumagissavaat.
Tikinnermi:
- Mittarfeqarfimmi sulisuvut imaluunniit suleqativut timmisartup tikinnerani meeraq naapissavaat inummullu niuffiortussamut ”Meeqqamut kisimiilluni angalasumut uppernarsaat” (kinaassutsimik uppernarsaat) malillugu nalunaarsorsimasumut isumannaatsumik isumagitinnissaa isumagalugu.
- Niuffiortussamik takkuttoqarsimanngippat sulisut nalunaarsorneqarsimasut niuffiortussat attaveqarfiginiarnissaat isumagissavaat. Tamanna iluatsinngippat mittarfeqarfik aallarfik aaqqiissutissarsiorluni attaveqarfigineqassaaq.
Pissutsit allat:
- Isumannaallisaaneq eqqarsaatigalugu taamaallaat meeqqat ingiallorteqanngitsut aalajangersimasumik killilinnik amerlassusillit aallarnermi ataatsimi ilaatissinnaavavut. Taamaattumik innersuussutigaarput piffissaqarluarlutit attaveqarfigissagitsigut.
- Inuusuttut 15-18-inik ukiullit, angalanissaminnut sungiusimanngitsut, aammattaaq periarfissaqarput allatut ittumik sullissinikkut ikiorneqarnissaminnik. Pisariaqartitsisoqartillugu Callcenteri una aqqutigalugu Atuisunut sullisivik attavigiuk imaluunniit angalatitsivik attaveqarfigineqassaaq.
- Eqqaamallugu anillatsissagakku immersorlugulu ”Meeqqamut kisimiilluni angalasumut uppernarsaat”
Ilissinnik timmisartup iluanut tikilluaqqusinissarput qilanaaraarput.