Air Greenlandimik angalasut tamarmik toqqissisimanartumik ilorrisimaarnartumillu angalanissaat kissaatigaarput. Angalasunut isigiarsuttunut immikkut aaqqiissutinik ikiorsiissutinillu neqerooruteqarpugut, taamaaliornikkut pisariinnerusumik ajornannginnerusumillu angalasoqarsinnaanissaa siunertarineqarluni.
Angalanissavit inniminnerneraniit apuunnissavit tungaanut kiffartuulluarneqartutut misiginissat pingaartipparput, taamaattumik tappiitsutut isigiarsuttutulluunniit angalanermi pisinnaatitaaffitit periarfissatillu pillugit paasissutissanik katersinikuuvugut, taakkualu ataani paasisaqarfiginerusinnaavatit
Ingiallortaasumut akikillisaaneq aamma inniminniineq:
- Tappiitsup/annertuumik isigiarsuttup bilitsip akia tamarmiusoq akilissavaa
- Tappiitsumut ingiallortaasumut bilitsip akia 100 %-usumik akikillisaavigineqassaaq – taamaallaalli allaffissornermut akiliut kiisalu mittarfeqarfimmut akitsuutaasartut kisiisa akilerneqassallutik.
- Tappiitsumut ingiallortaanissamut inniminniineq Atuisuinut sullissivik saaffigiuk aqqutigalugu imaluunniit uunga 299 70 12 12-imut sianerluni pissaaq.
- Ingiallortaasoq akikillisaavigineqassappat Dansk Blindesamfundip qullersaqarfianit imaluunniit Isumaginninnermut Aqutsisoqarfimmit uppernarsaammik peqartoqassaaq.
Tappiitsut qimmimik tasikumiagaqartut / qimmeq sullissisoq
Isigiarsuttorujussuuguit timmisartup iluani qimmimik imaluunniit qimmimik sullissisumik tasikumiagaqarnissannut tikilluaqqusaassaatit. Toqqissisimanartumik aamma ilorrisimaarnartumik angalanissaq qulakkeerniarlugu tulliuttut makku atuutsinneqassapput:
- Timmisartornerup nalaani qimmeq pituutaqartinneqassaaq aamma aatsarnaveeqquteqartinneqassaaq.
- Qimmeq issiaffissamik inangiissanngilaq imaluunniit timmisartup iluani ingerlavimmik assiissanani.
Kalaallit Nunaata aamma Danmarkip akornanni timmisartornermi innersuussutigaarput piffissaqarluarlutit illit attaveqarfigissagitsigut, taamatut akuersissutissat pisariaqartut aallannginnermi naammassineqarniassammata. Taamatut ilinnik pitsaanerpaamik ikiuisinnaavugut iluatsittumik aamma isumannaatsumik angalanermik misigisaqarniassagavit.
Malugiuk:
Angalasut isigiarsunnermik aamma tusilarnermik ajoquteqartut (tusilarlutillu tappiitsut) angalasinnaanngillat ingiallorteqartinnatik.
Københavnip mittarfeqarfiani ikiorneqarneq:
Bilitsimik pisiffiit aqqutigalugu Københavnip mittarfeqarfiata tungaanut ikiorneqarnissannut aammattaaq periarfissaqarputit.
Pisattanik tunniussinermi immikkut ikiorneqarnissannik inniminniisimanerit oqaatigissavat.
Timmisartup iluanut tikilluaqqunissat qilanaaraarput, angalalluarnissannillu kissaappatsigit.