Timmisartuussisarnitsinni assigiinngitsunik nerisassanik sassaalliutissaqarpugut sumut timmisartorneq aamma timmisartup suunera apeqqutaatillugit. Uani timmisartumi nerisassat, najoqqagassaqarneq aamma immikkut nerisassaativut pillugit apeqqutinut nalinginnaasunut akissutissat atuarsinnaavatit.
Nunami namminermi timmisartuussinerni
Dash-8-mik sivisuumik timmisartuussinerni kaffi, tii aamma imeq sassaalliutigineqartarput.
Timmisartuussinerni sivikinnerusuni aamma helikopterimik angallassinerni isikkivik kusanartoq isiginnaarsinnaavat aamma inussiarnisaarfigineqarlutit qungujuffigineqartassaatit.
Timmisartup iluani saqisut nangaassuteqarnak attaveqarfigikkit najugassamik arlaannik pisariaqartitsileruit.
Kalaallit Nunaata aamma Danmarkip akornanni
Najugassat assigiinngitsut, nerisassat kiisalu kaffi imaluunniit tii neqeroorutigaavut.
Nerisassanik immikkut ittunik inniminniisinnaavunga?
Aap, Atlantikorsuaq qulaallugu timmisartuussinermi immikkut ittunik nerisassanik inniminniisinnaavutit nittartakkakkut inniminniinermi, imaluunniit Air Greenlandip Callcenteriata attaveqarfigineratigut. Una link toorlugu: Attaveqarfigitigut
Air Greenlandip inniminniineq tigoreersimassavaa uppernarsarlugulu Københavnimit aallannginnermi kingusinnerpaamik nal. akunneri 48-t sioqqullugit.
Angalanissat angalatitsivik aqqutigalugu inniminnersimagukku taanna toqqaannartumik attaveqarfigissavat.
Ataani allassimasut immikkut nerisassat inniminnerneqarsinnaapput:
- Neqitorneq ajortunut nerisassat
- Meeqqanut aamma naalungiarsunnut nerisassat
- Glutenertaqanngitsut imaluunniit laktosertaqanngitsut nerisassat
Islandip aamma Kalaallit Nunaata akornanni?
Dash-8-mik nal. akunneri marluk missaanni timmisartuussinermi kaffi, tii aamma sandwich sassaalliutigineqartarput.
Sapigaqartorujussuuguma?
Nerisassarpassuit sapigaqarfigigukkit aaqqiissutaasinnaavoq illit nammineq nerisassannik nassarnissat, immikkut pisariaqartitsineq aamma kissaateqarneq malillugit nerisassanik tunniussisoqarsinnaanngimmat.