Air Greenlandimi sapinngisatsinnik pitsaanerpaamik anguniagaraarput pisattat apuuffissaminnut apuunneqarnissaat, kisianni qaqutigoortumik pisattat kinguaattoorsinnaasarput, ajoquserneqarlutik imaluunniit tammarlutik.
Saaffiginnigit apuuffivit qimannginnerani:
Pisattatit ajoquserneqarsimappata imaluunniit apuussimanngippata mittarfimmi apuuffigisanni - tamanna qimatsinnagu - uagut sulisutsinnut imaluunniit suleqatigisatsinnut saaffiginnissaatit PIR nalunaarusiortoqarnissaalu isumagalugu.
PIR nalunaarusiaq – pisattat ajoquserneqarnerannut imaluunniit tammarnerannut uppernarsaat:
Saaffiginnikkuit PIR-nalunaarusiaq (Property Irregularity Report) paasissutissat illit uagutsinnut tunniussatit tunngavigalugit uagut immersussavarput.
Nalunaarusiaq taarsiissuteqartoqassappat uppernarsaatitut pisariaqarpoq, aamma illit nassatavit sumiinnerannik paasiniarsinnaanissaannut. Nalunaarusiap assilineranik (kopi) tunineqassaatit. Taanna Air Greenlandimut naammagittaalliussaguit atortussaavat, imaluunniit angalaninnut sillimmasiiffinnut suliassamik aallartitsininnut.
Paasissutissat sorliit pisariaqartippavut?
- Illit attaveqatigineqarnissannut paasissutissat (atit, najukkat, telefonip normua, e-mailit)
- Angalaninnut paasissutissat immikkuualuttut (timmisartup normua, ulloq, angalaffik)
- Nassatannut paasissutissat (qalipaataa, angissusia, kuffertivit suussusia, immikkut ilisarnaatit)
- Kuffertip pisiarineqarnerani akia aamma qanga pisarineqarsimanersoq
Taamaattumik eqqaamallugu makku nassarnissaat:
- Timmisartumut ikinermut uppernarsaat (boardingkort)
- Nassatat allagartaat nipputsillugit ikkuttakkat
- Kinaanermut uppernarsaat atuuttoq (soorlu ass. pas, biilersinnaanermut allagartaq, sumi najugaqarnermut uppernarsaat)
- Nassatat ajoquserneqarsimappat sulisunut taanna takutissavat
Air Greenlandip pisoq qanoq isumagissavaa?
Immersuinikkut nalunaarusiornerup saniatigut sapinngisatsinnik nassatavit ujarnissaa isumagissavarput. Nassatat tammartut atortumi ujarlernermik nalunaarsuiffimmi nalunaarutigineqassapput, nassatanullu inissiisarfissuaq mittarfinni illit aallarfinni aamma tikiffinni misissuiffigineqassallutik.
Naammagittaalliorneq:
Maluginiaruk PIR nalunaarusiamik immersuineq imminik naammagittaalliutaanngimmat, taamaallaalli nassatanik ajoquserneqarsimasunut imaluunniit tammaasanut uppernarsaatitut. Naammagittaalliornissaq kissaatigigukku tamanna allakkatigut saqqummiunneqassaaq Air Greenlandimullu nassiullugu ugguuna ”Atuisunut sullissivik attavigiuk"
Piffissarititaasoq:
Nassatavit ajoquserneqarsimanera imaluunniit tammarsimanera naammagittaalliutiginiarukku sapinngisamik pilertornerpaamik allakkatigut naammagittaalliutitut nassiutissavat kingusinnerpaamillu piffissani tulliuttuni allassimasut qaangiutinnginneranni:
- Nassatat ajoquserneqarsimasut: Kingusinnerpaamik nassatavit ilinnut tunniunneqarnerani ullut 7 qaangiutinnginneranni.
- Nassataq kingusinaartumik tunniunneqartoq: Kingusinnerpaamik nassatavit ilinnut tunniunneqarnerani ullut 21-t qaangiutinnginneranni.
- Nassataq tammartoq: Ullut 21-t qaangiutinnginneranni nassatat apuussimanngippat, imaluunniit Air Greenlandip nalunaarutigippagu nassatat nassaarineqanngitsoq, taanna isigineqassaaq tammartutut. Tamatuma kingornatigut taarsiiffigineqarnissannut atatillugu illit pisussaaffitit atuutsissinnaavatit.
*Eqqaamallugu: tikiffiit qimatsinnagu illit nammineq ornigullutit saaffiginnissagavit.
Pisattat qajannartut imaluunniit ajortunngujasut Air Greenlandip akisussaaffiginngilai. Aammattaaq pisattat iluamik poortorsimanngitsut, imaluunniit isikkuinik allannguinermik kinguneqartumik aamma annikitsumik ajoqusikkat, taamaallaat nalinginnaasumik aserfallatsaalineqarsimasut aamma assartorneqarnermit sunnerneqartut akisussaaffiginngilai.
Københavnimi:
Nassatanut inissiisarfissuarmi Aviator-ip saaffiginnittarfia attaveqarfigineqassaaq, uppernarsaatit pisariaqartut nassarneqassapput. Takukkit suunerannik qulaani allattukkat.
Islandimi:
Paasissutissiisarfittut saaffiginnittarfimmi sulisut saaffigikkit. Uppernarsaatit pisariaqartut nassarneqassapput. Takukkit suunerannik qulaani allattukkat.
Paasissutissat sukumiinerusut:
Nassatanut malittarisassat atuuttut sukumiinerusumik atuarneqarsinnaapput uani:
Angalassinermi aalajangersakkat aammalu Illit pisinnaatitaaffitit
Timmisartumi qimataqarpit?
Kalaallit Nunaanni: Nunatsinni timmisartuussisarfitta arlaanni timmisartumi puigugaqarsimaguit mittarfik tikiffiit attaveqarfigissavat.
Københavnimi: Atlantikorsuaq qulaallugu timmisartuussinitsinni timmisartup iluani puigugaqarsimaguit innersuussutigaarput una: nassatanik qimatanik tunniussivik