Air Greenlandimi sapinngisarput tamaat piffissaq eqqorlugu timmisartuussinissat ingerlanniartarpavut, kisianni ilaannikkut angalanissamut pilersaarutini allannguuteqartoqarsinnaasarpoq, tamatuma kinguneranik angalanissaq siuartinneqarsinnaalluni, kinguartinneqarsinnaalluni imaluunniit taamaatiinnarneqarsinnaalluni. Taamaattoqartillugu Air Greenlandip sullissinermini sumik neqerooruteqarsinnaaneranut apeqqutaavoq angalanissamik allanngortitsinermut suna pissutaanersoq.
Angalanissamik allanngortitsisoqarnerani periuseq pingaarneq:
Angalanissat allanngortinneqarpat angalanissamut pilersaarut nutartigaq mobilinni tigussavat imaluunniit e-mailikkut allagarsiffigisartakkani inniminniininni allassimasanni. Innersuussutigaarput Air Greenlandip App-ia, Club Timmisa, atussagit, taamatut illit ajornanngitsumik angalanissamut pilersaarutit aamma allanngortitsisoqarsimassappat allanngortitsinerit malinnaavigisinnaaniassagakkit. Tamatuma saniatigut uagut nittartagarput aqqutigalugu timmisartuussinissamut paasissutissat tamatigut malinnaavigisinnaavatit.
Timmisartornissamut allanngortitsilluni inniminniineq:
Hvis en flyvning bliver aflyst, sørger Air Greenland for at ombooke alle berørte passagerer til den først mulige afgang til samme destination.
Timmisartornissaagaluaq taamaatinneqarpat ilaasussat pineqartut tamaasa allamut apuuffissaannut timmisartuussinissamut siullerpaamut inniminniinissaq Air Greenlandip isumagissavaa.
Kinguaattoorneq angalanermi ullunik annaasaqarninnik kinguneqarpat, taava angalanissavit ullunik taakkorpianik amerlassuseqartillugit angalanerpit allanngortinnissaa noqqaassutigisinnaavat.
Assersuut: Timmisartornissap taamaatiinnarneqarnera kinguneqarpat illit pilersaarutaasumit ullunik marlunnik kinguaattoorlutit aatsaat aallarsinnaaninnik, taava utimut bilitsit assingusunik immikkut ullunik marlunnik sivitsorneqarnissaa noqqaassutigisinnaavat. Malugiuk ullunik taakkuninnga sivitsuinermi najugaqarnermi aningaasartuutit ilaasup nammineq akilissammagit.
Taamaatitsineq aamma aningaasat utertinnerat:
Nal. akunneri 5 sinnerlugit kinguaattoornermi imaluunniit timmisartornissaagaluamik taamaatitsinermi illit pisisartutut angalanissat taamaatissinnaavat bilitsimillu pisininni akia tamaat utertillugu – bilitsi qanorluunniit ittuugaluarpat.
Nerisaqarneq
Timmisartup aallarnissaa taamaatiinnarneqarpat, imaluunniit nal. akunneri r4-t sinnerlugit kinguaattoorpat, ilaasussanut Air Greenlandip neqeroorutigaa nerinissamut bilitsit 125 kr. nerinermut ataatsimut ilaasunut sumiiffimmi kinguaattoorfiusumik imaluunniit timmisartornissaagaluamik taamaatitsiffiusumi najugaqanngitsunut.
Ornigassani nerisaqarnermut bilitsinik tunniussinissamut periarfissaqarfiunngitsuni ilaasup nammineq nerisaqarnini aamma najugassaqarnini akilerallarsinnaavai, tamatuma kingornatigut akiligaq utertinneqarsinnaalluni akiliinermut uppernarsaatip tunniunneratigut, taanna Callcenterimut nassiunneqassaaq una aqqutigalugu ”Attaveqarfigitigut”.
Nerinermut bilitsit amerlassusiat taamaalilluni ataatsimut akiusumut utertinneqartumut apeqqutaapput ullup qanoq innerani kinguaattoortoqarnersoq aamma tamatuma qanoq sivisutiginera.
Maluginiaruk illoqarfimmi timmisartuussinissamik taamaatitsiinnarfiusumi najugaqaraanni nerinermut aningaasartuutit matussuserneqassanngimmata, taamaalillunilu nerinissamut allagartat tunniunneqarsinnaanatik.
Unnuineq:
Timmisartumik aallarnissaq taamaatinneqarpat Air Greenlandip ilaasussanut, tamaani timmisartumik aallarfissaagaluami najugaqartuunngitsunut unnuinissaq, neqeroorutigaa.
Inussiarnersumik malugeqquarput unnuinissamik inniminniineq mittarfeqarfimmi sulisunit isumagineqassammat mittarfeqarfimmi sulisunik allamik isumaqatigiissuteqartoqarsimanngippat. Taamaattumik unnuinissamik apeqqutit tamaasa taakkununnga saaffiginnissutigineqassapput, taakkuummata ataqatigiissaarisartut.
Timmisartornissamik taamaatitsinerup nalaani tunniussisimaguit aallarnissarsi pillugu sullinneqarnissamut nalunaarfigineqassaasi, ilaasulli tunniussivimmut suli tunniussisimanngitsut telefonikkut attaveqarfigineqassallutik.
Allatut ajornartumik illit nammineq inuussutissarsiortut arlaanni (soorlu ass. hotelimi imaluunniit allami CVR-normulimmi) unnuinissat akilersimagukku, tamanna tamatigut mittarfeqarfimmi sulisunik isumaqatigiissutaasimasariaqarpoq, taamatut uagut eqqortumik aningaasanik utertitsinissaq aamma angalanissavit ataqatigiissaarnissaa isumaginiassagatsigu.
Ilaasut ilaquttaminni imaluunniit ilisarisimasaminni namminneq unnuinissartik toqqarsimappassuk, taamatut unnuinissamut aningaasartuutit Air Greenlandimit matussuserneqarneq ajorput.
Malugeqqussavarput unnuisarfiit assigiinngittaqimmata, apeqqutaallutik ulluni taakkunanerpiaq pisinnaasaat aamma periarfissaat.
Unnuinissat siumut pilersaarutaareersut
Illit nammineq aqqusaakkami unnuinissat siumut pilersaarutigereersimagukku, suli apuuffissannut aallannginninni, taamatut unnuinermut aningaasartuut illit nammineq akisussaaffigissavat. Air Greenlandip immikkut unnuinerit, kinguaattoorneq imaluunniit timmisartuussinissaraluamik taamaatitsineq pissutigalugit naatsorsuutigineqanngitsumik pisut, taamaallaat matussusissavai.
Assersuutit pilersaarutaasumik killormullu pilersaarutaanngitsumik unnuinernut:
Sisimiunit Nuuk aqqusaarlugu Københavnimut angalassaguit aqaguanilu ingerlaqqinnginninni unnuk ataaseq Nuummi unnuinissat siumut toqqarsimagukku, tamanna unnuineq illit nammineq akisussaaffigissavat.
Aallarnissalli taamaatiinnarneqarpat illillu pilersaarutittut unnuinissavit saniatigut immikkut unnummik ataatsimik unnueqqittussanngoruit, taava Air Greenlandip pilersaarutaanngitsumik unnuinissat akilissavaa, tamanna timmisartuussinissaagaluamik taamaatitsinermik kinguneqarmat.
Taamaatitsinermi angallanneqarneq
Timmisartuussinissaq taamaatiinnarneqarpat Air Greenlandip aallavittut neqeroorutigaa mittarfeqarfimmiit unnuiffissamut angallanneqarneq imaluunniit angallanneqarnermut tapiissutit – mittarfeqarfinni pineqartuni tamanna periarfissaappat. Periarfissaq tamanna pillugu nangaassuteqarnak mittarfeqarfimmi sulisunut saaffiginnigit.
Aaqqiagiinngittoqartillugu, suliumajunnaarnerni il.il.
Aaqqiagiinngittoqartillugu, suliumajunnaartoqartillugu, ajunaarnersuarni aamma pisuni assingusuni Air Greenlandip nakkutigisinnaanngisaani, taava Air Greenlandip siullermik aningaasartuutaasinnaasut akilissanngilai, ilaasumilli tamakku akilerneqassallutik.