Dansk
English
Angallannermi kinguaattoornerit timmisartuussinermi arlalinnik peqquteqartumik kinguneqarsinnaasarput, avataaniit aammalu Air Greenland iluani pisuni.
Angalaffissaq allanngortinneqarpat/taamaatinneqarpat angalasussat angalaffissamut allamut nuunneqartarput, tikiffissaanut.
Air Greenland-ip ilaasunut kinguaattoortunut isumagisarpai:
Nerisaqarnerit kinguaattooqqanerup nalaani.
Inissat - sømandshjem, hotel imaluunniit allani.
Ingerlaqqiffissamut immakkut angallassinerit, timmissartussamut angumersisimanngikkaani.
Akerleriittoqarnerani, suliumajunnaarnerit, ajunaarnersuani imaluunniit assingusumik pisoqarnerani Air Greenland avataani pisunut, siullertut Air Greenland akiliisussaatitaanngilaq. Ilaasussap nammineerluni isumagissavai.
Angalaffissaq taamaatinneqarpat imaluunniit 5 tiiminik sivisunermik kinguaattoorsimappat, ilaasussaq pisinnaatitaaffeqarpoq billettip nalinga utertissinnaaneranut, taamaasilluni angalanissaq taamaatillugu, imaluunniit allamut nuutsillugu. Air Greenland kinguaattoortoqartillugu ilaasussat tamaasa periarfissaq siullermut nuutsittarpai.
Nerissutissat
Angalaffissaq kinguarpat/taamaatippat 4 tiiminik sivisunerusumik, Air Greenland neqeroortarpoq nerissutissanut ilaasunut tamanut.
Nerinissamut allagartumut tungatillugu apeqqutissaqaruit timmisartoqarfimmi imalunniit heliporteqarfimmut saaffiginnissinnaavutit.
Unnuiffissat
Angalaffissaq taamaatinneqarpat Air Greenland unnuiffissanik isumaginnittarpoq, aammalu mittarfimmiit mittarfimmut ingerlatsinermut aningaasartuutit.
Unnuiffissat illoqarfimmi tassani najugaqanngitsunuinnaq isumagineqartarput. Unnuineq hotel-mi, sømandshjem-mi immaqaluunniit unnuisarfinni allani illoqarfimmi kinguaattoorfimmi.
Angalasussat angalanissami unnuisussaareersimappata, kinguaattoornermi unnuinissaq nammineq isumagineqassaaq.
Unnuiffissamut tunngatillugu apeqqutissaqaruit timmisartoqarfimmut imaluunniit heliporteqarfimmut saaffiginnissinnaavutit.
Ingerlaqqiffissat annaasat
Kinguaattoorneq peqqutigalugu ingerlaqqiffissamik timmisartuusileqatigiiffik alla allatigulluunniit ingerlaqqiffissanik annaasaqarnermi maleruagassat ukuupput:
Air Greenland atorlugu ingerlaqqiffissamut angumersisinnaanngikkaanni unnuiffissat isumagineqassapput, aammalu nerisaqarnerit.
Air Greenlandip akunniffimmi aningaasartuutit isumasisarpat nunaqarfiit illoqarfiillu akornanni kinguaattoornermi ilaasussaq nammineq unnuiffissaqanngippat.
Kinguaattoorneq peqqutaalluni ullormi tassani Air Greenland atorlugu ingerlaqqiffissami takkutinngitsoornermik kinguneqassappat Air Greenland-ip nuutsinnissaa isumagissavaa.
Unnuiffissanik isumaginninnerup saniatigut arlaatigut taarsiiviginninnissanik periarfissaqanngilaq.
Air Greenland-i ingerlariaqqiffissamut kinguaattoornermi aningaasartuutinut taarsiisussaatitaanngilaq, angalaffissaq timmisartuussileqatigiiffik imaluunniit angallassivik alla atorsimagaanni.