Air Greenland - timmisartuussinerni tamani ilaasussanik itigartitsisinnaatitaavoq - annertuumik malunnarsaartoqarnerani.
- Isumannaallisaanikkut misissuinermi nassatat imaluunniit nammineq misissortikkumanngikkaanni.
- Oqaatsisigut imaluunniit allagaqaasiorluni timmisartortitseqatigiiffimmut siorasaarisoqarneratigut. (soorlu qaartartumeeriniarnermik siorasaarinerit) Sillimaniarnermut pilersaarusiaq immikkoortoq 12 aallaavigalugu.
- Suliffeqarfiup sillimaniarnermut maleruagassaanik malinnittoqanngippat.
- Arlaatigut takuneqarsinnaasumik aalakoornartumik, ikiaroornartumik, iisartakkat sakkortuunik imaluunniit aanngajaarniutinik sunnertisimasoqarpat.
- Ilaasoq naalasseriitsuuppat, arlaatigulluunniit eqqarsartaatsikkut/timikkulluunniit ilaasunut allanut ulorianartorsiortitsippat.
- Timikkut sanngiissuseqarneranik takussutissaqarpat, timmisartuussinermut pilersaarummut peqqissutsikkut kinguneqartitsisoqarsinnaappat imaluunniit toqusoqarsinnaappat.
- Angalasoq angalanermi ikiortinnissamik pisariaqartitsisoq piukkunnarsakkamik ingiallorteqanngippat.
Ilaasussat qulaani allassimasumi ataatsimi arlalinniluunniit inissisimappat Air Greenland-ip timmisartuussineranut ilaasinnaanngilaq.
Ilaasut imersimasut
Ilaasussat malunnartumik aalakoorpata, Air Greenland angalatitsineranut ilaasinnaanngillat. Ilaasussat allat iluaalliortinneqarsinnaanerat tamatumani eqqarsaatigineqarpoq, aammalu sillimaniarnermut ajornartorsiortitsisinnaanerat.
Aningaasartuutaasinnaasut tamaasa (soorlu unnuiffissat, nerisassallu) nammineq isumagineqassapput.
Ilaasussat niusinneqartut, arlaatigut sakkortuumik ulorianartumillu pissusilersortut erngertumik politiinut nalunaarutigineqassapput. Tamannalu aamma aanngajaarniutinik ikiaroornartumilluunniit sunnertisimasunut atuuppoq.
Ilaasussat niusitat billetsertik annaassavaat, nutaamillu pisisariaqassallutik.