Club Timmisami ilaasortatut qaammatit pingasut qaangiunnerini angalanissamut allagartamik 3.000 kr-nik nalilimmik makitsinermi toqqaannaq peqataassaatit.
Taassumalu saniatigut angalanissamik nalunaarsuillutillu angalaguit, tullianik makitsinissamut makitsissutissamik aamma pissarsissaatit.
E-billetnormumi ataatsimi timmisartukkut angalanerit, tassa timmisartornerit arlaliuppata (soorlu aallarneq uternerlu imaluunniit timmisartornermi akunninnerit) angalaneq ataasiinnartut isigineqassaaq, taammaattumillu angalaneq nalunaarsorneqareerluni aamma pereerpat makitsissutissaq ataaseq pissarsiarineqassaaq.
Kingullermik makitsinermiit qaammatit pingasut qaangiunnerini ilaasortat tamarmik akornanni makitsineq pisarpoq.
Makitsereernermi makitsissutit atorunnaartarput, tullianilu makitsinissap tungaanut makitsissutissat pissarsiat nutaat akornanni makitsineqartarpoq.
Makitsissutissaativit qassiuneri ’Paasissutissat’–mi takusinnaavatit. Tassani aamma takusinnaavat makitsinissaq tulleq qaqugu pissanersoq.
Angalanermut allagartaq nittartakkatsigut angalanissamik pisinermi atorneqassaaq.
Angalanermut allagartaq aningaasanngortinneqarsinnaanngilaq, tigusisussamullu nassiunneqarneranit ukiup ataatsip iluani atugassaalluni.