Uani uagutsinnit bilitsisinermi maleruaqqusat pingaarnerit atuarsinnaavatit.
Inatsisit iserfigalugu Inatsisit maleruagassallu ataani peqqussutit piumasaqaatillu takusinnaavatit.
Bilitsinik pisinermi piumasaqaatit nalinginnaasut:
- Angalasussap bilitsisinermi angalanissamut pilersaarutip tigunerani ingerlaannaq misissoqqissaarnissaa nammineq akisussaaffigaa, tassa angalanissami aqqutissat aammalu angalasussap aqqata eqqortuunera qulakkeerlugu.
Bilitsimi aqqutissaq imaluuniit ateq eqqortuunngippata, angalasussap nal.ak. 24-t qaangiutinnginnerini Air Greenlandimi Call Center imaluunniit angalatitsivik bilitsisiffik saaffigalugu bilitsisineq atuukkunnaarsissavaa, tamatumalu kingorna bilitsimik nutaamik pisilluni.
Air Greenlandip timmisartuussiviinut bilitsisinermi nal.ak. 24-t iluini peqqissimisoqarsinnaavoq, tamatumalu kingorna bilitsisinermi maleruaqqusat nalinginnaat atuutilissapput. - Air Greenlandimut ilaalluni angalanissamik bilitsisiat ilinnuinnaq atuuttuuvoq, taamaattumillu bilitsimi aqqit allaqqasut allanngortinneqarsinnaanngillat imaluunniit bilitsi inummut allamut tunniunneqarsinnaanngilaq.
- Bilitsimik angalanerup nalaani illoqarfimmi allami akunniffissalimmik pisigaanni, angalanerlu inniminniikkap normuata ataasiinnaap iluani pisussaappat, bilitsit taakku bilitsitut ataatsimoortutut taaneqartarput.
Bilitsi aqqutissat allassimasut tulleriiaarneri malillugit atorneqanngippat, bilitsi angallanneqarnissamut atorsinnaajunnaassaaq atorunnaassallunilu.
Bilitsi ilaasumit atorneqanngippat, Air Greenlandip bilitsit ilai ingerlaqqinnissamut atuuttut, ataaseq arlallilluunniit, atorunnaarsissinnaavai, ilaasussamit bilitsit taakku atorneqassanngitsut tunngavissalimmik ilimagiguniuk. - Bilitsimik allanngortitsineq aamma atorunnaarsitsineq/akianik utertitsineq bilitsip pisiap suunera apeqqutaatillugu aalajangersagaapput. Bilitsit Standard Flex aamma Premium Flex, aallarfissaq kingusinnerpaamik nal. ak. marluk nallertinnagu tamakkiisumik allanngortinneqarsinnaapput akiiluunniit immikkut akiliuteqarnani utertinneqarsinnaapput.
Bilitsinut ukununnga Fly 'n Sleep, Takuss, Standard aamma Premium taamaallaat akileraarutit akitsuutillu utertinneqarsinnaapput.
Tuugassami Bilitsit qinigassat bilitsinut assigiinngitsunut tunngasut atuarsinnaavatit, bilitsilu illit pisariaqartitarpiat toqqarlugu.
Bilitsit Standard aamma Standard Flex kisimik akileeqqinnikkut timmisartumi akisunermut nuunnissamut periarfissaqarput, tamannalu kingusinnerpaamik aallarnissaq nal.ak. marluk sioqqullugu pissaaq.
Tassa nassatanik tunniussiutigaluni akisunermut nuunnissamut periarfissaqanngilaq. - Bilitsip akiani ilaapput akileraarutit, akitsuutit, tapiutit akiliutillu naalagaaffiup, mittarfeqarfiit oqartussallu Air Greenlandimut akiligassanngortitai.
Akiligassat taakku ilaasumit akilerneqassapput, ilaatigut bilitsip akianut ilaareerlutik, imaluunniit bilitsimi immikkut takuneqarsinnaallutik immikkoortup ”akitsuutit” ataani. - Air Greenlandip ilaasup timmisartumi issiavissamisut toqqagaa sapinngisani tamaat eqqortinniartarpaa, tassa issiavissaq akileriigaappat imaluunniit immikkoorteriigaappat.
Air Greenlandili ilaasussat timmisartumut ikereerneranni issiavigisassatut toqqakkat akuerisallu allanngortinnissaannut imminut pisinnaatippoq, ingerlatsineq aammalu isumannaatsuunissaq pissutigalugu tamanna pisariaqassappat. Assersuutigalugu meeqqat aamma meeraaqqat isumannaallisaaneq peqqutigalugu ajunaalernermi aniffisap saniani issiasinnaanngillat.