13 februar 2023 aallarnerfigalugu Air Greenland-mit neqeroorutigilerparput Tuukkami WiFi pisiarineqarsinnaanera.
Erseqqissaassutigissavarput Jettime atorlugu angalanermi tamanna atuutinngimmat, timmisartoq attartugaammat internetteqarnanilu WiFi -mik pisisoqarsinnaanngilaq.
Qanorlu timmisartup iluani WiFi -mut isernissat ataani takusinnaavat.
Ima attaveqalissaatit
- Atortorissaarutinni Wi-Fi ikiguk
- TuukkaqWiFi-mut attavilerit
- Automatiskimik WiFi-mut iserfissamut pissaatit → Taamaanngippat uunga iserit: wifi.inflight.viasat.com
- Wi-Fi atugassaq kissaatigisat toqqaruk
- Kortimik imaluunniit voucherimik akiliigit – attaveqalerlutillu
Tuukkaq WiFi ukununnga attavinissinnaavoq:
- WiFi-mut aamma internetbrowser-ilimmut
- iOS-inut nutaanerusunut, Android-inut, macOS-inut, Windows-inut, Chrome-nut imaluunniit Firefox-inut
- (attavilerfissat pisoqaanerusut atorsinnaassapput, kisianni tamanna qulakkeerneqarsinnaanngilaq).
Premium Class-imi ilaallutit angalavit?
Premium Class-imi ilaasutut WiFi-mut vocuherimik pissaatit, taanna iserfissami toqqaannartumik atorsinnaavat.
Sumut atorsinnaavara?
Tuukkaq WiFi attaveqaqatigiiffiusinnaasunut atugassiatut sanaajuvoq, soorlu iMessage-mut, Messenger, WhatApp aammalu nittartakkatigut misissuinernut, e-mailinut kiisalu nittartakkatigut niuerniarnernut.
Attavimmi uani atuisutut isiginnaagassianik isiginnaarneq innersuunneqanngilaq.
Qanoq akeqarpa?
8 USD = 59 DKK miss.
Aki USD-tut takutinneqarpoq neqeroorut una avataaniit suleqammit tunisassiaammat – tamanna timmisartuussileqatigiiffinni amerlasuuni nalinginnaasuuvoq.
Visamik, Mastercard-imik imaluunniit American Express-imik akiliisinnaavutit. Pisiarisimasavit allagartaa e-mailinnut nassiunneqassaaq.
Sooruna iserfissat ilai matoqqasut?
Atuinerup toqqissisimanartuuniissaa naleqquttuunissaalu pillugit sammisat ilai killeqarput, matumani:
Sakkortuunik imallit, toqqaannartumik tiinganermut kinguaassiutinullu tunngasut, ingasaassiniartunut tunngasut imaluunniit imarisat unioqqutsitsisut, Malware (software ajoqusiisinnaasoq) kiisalu fil-inik unioqqutitsilluni aasat.
Qaqugukkut WiFi-mut attavik atulersinnaalertarpa?
- Tuukkaq WiFi timmisartoq 10.000 fod-it sinnerlugit (miss. 3.000 meterisut) ullasitsigileraangat atorsinnaalertarpoq.
- Apparsarnermi 10.000 fod-it ataatileraangagit WiFi attaveeruteqqittarpoq.
Attavia ukunannga kalluarneqarsinnaasarpoq:
Satellitsit nikinnerini, silapiluk, seqernup qinngorneri ulorianartut, geomagnetiskimik pisut, teknikkikkut ajutooqqanerit sumiiffinnilu killilersuutit.
WiFi atugara tulliani timmisartuleruma atoqqissinnaavara?
Naamik, atuinerit timmisartornermi matumani taamaallaat atuuppoq.
Eqqaamajuk
Angalanerit tamaat angalasunut allanut innimisugit. WiFi-kkut attaveqarnermi oqarasuaatikkut oqaluussinerit nipikitsumik ingerlanneqassapput, aamma angalasut allat akuersissuteqanngitsumik filmiliarinissaat inerteqqutaavoq.