Timmisartup isumannaatsuunissaa eqqarsaatigalugu atortut makku nassatanut tunniunneqartunut ilanngullugit poortorneqassanngillat. Tamanna aamma atuuppoq tigummiaannakkat gate-mi nassatanut tunniunneqartariaqaleraluarpata.
Qaartartut aamma ikuallajasut
- Patronit
- Ikittakkat mikisut (Fænghætter)
- Qaartartunik aallartisaatit, ikittaatit, qaartartunik ingerlatitseqqittartut allunaasat, ikittaatit allunaasat aamma ikittaatit sullullit (Detonatorer, lunter, sprængsnore, tændsnore og brandrør)
- Qaartartut nunamut inissinneqartartut, granatit aamma sakkutuut qaartartuliaat allat (Miner, granater og andre militære sprængstoffer)
- Qummoroortartut aamma ikuallannermik qaamanermillu pilersitsisartut allat (Fyrværkeri og andre pyrotekniske artikler)
- Pujuliortartut qaartartut aamma pujuliortartut patronit (Røgbomber og røgpatroner)
- Dynamit, seqqortaatit pujoralaat aamma qaartartut ilusilersorneqarsinnaasut (Dynamit, krudt og plastiske sprængstoffer)
Elektronikki batteriillu
Makku tigummiaannakkami nassarneqassapput aammalu nassatanut tunniunneqartunut ilanngullugit nassarneqassanngillat:
- E-cigaretit
- Tabletit aamma iPadit
- Qarasaasiat angallattakkat
- Powerbankit
- Litiumbatteriit immikkoortut
Batteriit annertussusissaat, amerlassusissaat kiisalu timmisartumi qanoq toqqorneqarnissaat pillugit immikkut maleruagassaqarpoq.
Powerbankit litiumbatteriillu immikkoortut pillugit paasissutissat angalanissavit sioqqullugu uani atuarit.
Ikititsisit
Ikititsissutit nassatanut tunniunneqartunut ilanngullugit poortorneqaqqusaanngillat. Sorliit nassarsinnaaneritit aammalu qanoq nassarneqassanersut pillugit immikkut maleruagassaqarpoq.
E-cigaretinut immertagaq (refillvæske)
Nikotinitalik refillvæske navianassutsimut ilisarnaatilik puuata angissusaa apeqqutaatinnagu nassatanut tunniunneqartunut ilanngullugu nassarneqaqqusaanngilaq.
Refillvæske taamatut ittoq nioqqutitut ulorianartutut nassiunneqartariaqarpoq. Ilitsersorneqarnissat kissaatigigukku angalanissat sioqqullugu Attavigitigut aqqutigalugu saaffiginnissinnaavutit.
Nalornissuteqarpit?
Atortumik aalajangersimasumik nassaqarsinnaanerlutit qularigukku, angalanissat sioqqullugu attavigitigut.