Air Greenlandimut ilaallutit angalaguit bilitsip akianut ilaasarpoq aalajangersimasumik oqimaassusilinnik nassataqarsinnaaneq. Qanoq oqimaatsigisunik nassataqarsinnaaninnut bilitsivit qanoq ittuunera apeqqutaasarpoq.
Nassatat oqimaassusiannut malitassaq:
Air Greenlandimi nassatanut tunniunneqartunut oqimaassusermut malitassaq atortarparput, tamanna malillugu ataatsimut tamakkiisumik oqimaassuseq apeqqutaasarpoq – imaanngitsoq nassatat amerlassusiat.
Nassatanut tigummiaannakkanut timmisartup iluani akuerisaasunut immikkut amerlassusiannut, angissusiannut aamma oqimaassusiannut malittarisassaqarpoq. Tulliuttoq link tooruk tamanna sukumiinerusumik atuarusukkukku: Nassatat tigumiaannakkat
Meeqqat 2 ataallugit ukiullit nassatanik tunniunneqartunik 10 kg-mik oqimaassusilinnik kiisalu 1 klapvognimik qulaatigut sialussiutertalimmik nassarsinnaapput (annerpaamik 110 cm x 25 cm x 25 cm).
Sillimaniarnissaq pissutigalugu malugeqquarput nassatat oqimaannerpaaffissaat tassaammat 30 kg.
| Takuss | Standard / Standard flex | Premium / Premium flex | |
| Bagage | 20 kg | 20 kg | 30 kg |
| Tigummiaannakkat | 1 stk. max 8 kg | 1 stk. max 8 kg | 2 stk. max 8 kg** |
*Tigummiaannakkap anginerpaaffissaa: 55 x 40 x 23 cm.
**Samlet vægt 8 kg max. 55 x 40 x 23 cm
Meeqqat 2 ataallugit ukiullit nassatanik tunniunneqartunik 10 kg-mik oqimaassusilinnik kiisalu 1 klapvognimik qulaatigut sialussiutertalimmik nassarsinnaapput (annerpaamik 110 cm x 25 cm x 25 cm).
Atortut elektroniskiusut aamma lithium batteerit:
Atortut elektroniskiusut tamarmik immikkut 100 Wh ataallugu atareersunik batteeritallit nassatani tunniussani poortorneqassanngillat, taarsiulluguli tigummiaannakkatut nassarneqassallutik.
Atortut elektroniskiusut tassaapput mobiltelefonit, tabletit/iPadit, computerit angallattakkat aamma tamakkununnga assingusut.
Batteerinik ikkuttakkanik nassarusukkuit, tamarmik immikkut 100 Wh-it sinnerlugit piginnaasaqartunik, taava Air Greenlandimit akuersissummik piniaqqaassaatit. Amerlanerpaamik batteerinik marlunnik nassarsinnaavutit, tamarmillu immikkut 160 Wh-it qaangissanngilaat. Atortut batteerilerneqartussat aammattaaq batteerinut ilanngullugit nassarneqassapput.
Lithium‑ion‑batteerit 160 Wh-it sinnerlugit piginnaasaqartut nassiussatut navianartutut nassiunneqassapput.
Atortut amerlanerpaartaat soorlu tabletit, smartphonet aamma laptopsit batteereqarput 100 Wh ataallugit, taamaattumillu tigummiaannakkatut nassarneqarsinnaallutik.
Batteerit angissusiat pillugu nalornissuteqaruit, taava tamakkuninnga nioqqutissiortup nittartagaani paasissutissat misissorsinnaavatit.
Batteerit ikkunneqartartut nassatani tunniussani nassarneqarnissaat inerteqqutaavoq.
Nakorsaatit:
Nakorsaatit pisariaqartitat timmisartornermi tigummiaannakkatut nassarneqassapput tigoriaannagassanngorlugit. Timmisartornerup nalaani silaannaq/ilt pisariaqartikkukku imaluunniit illit nammineq iltflaskiutit, qinnuigaatsigit aallannginnermi piffissaalluartillugu uagut attaveqarfigissagitsigut.
Nassatat suli amerlanerusut pisariaqartinneqarpat?
Suli amerlanerusunik nassatanik tunniussinissat pisariaqartikkukku periarfissaqarputit akiliillutik immikkut allanik nassatanik nassarnissat. Tamanna pillugu sukumiinerusumik atuaruk una link toorlugu Nassatanik sinniinerit
Paasissutissat sukumiinerusut:
Paasissutissat nassatanut tunngassuteqartut allat aamma malittarisassat pillugit sullitanut sullissiviup quppernerani immikkut pisattat pillugit nassatat sukumiinerusumik atuarneqarsinnaapput.
Interline aftale atorolugu bilitseqaraanni pisisoqarsinnaanngilaq bagage ilaqqinnissaanut, kisimi tunniussinermi. Tamanna pissuteqarpoq timmisartuutileqatigiiffiit allat bagage amerlassusaanik ingerlapput, AirGreenlandilu kg amerlassusai apeqqutaalluni ingerlatitsisarpugut, taamaammat pisisoqarsinnaaneq ajorpoq.