Timmisartuussinissaraluamik taamaatitsineq imaluunniit kinguaattoorneq kinguneqarpat illit ingerlaqqinnissamut periarfissannik annaasaqarninnik, taava tulliuttoq atuuttussatut aallaaviussaaq:
Air Greenlandimi bilitsit:
Air Greenlandimit ataqatigiissumik bilitseqaruit, tikiffissat tamarmik inniminniinermi normumi (bookingnr.) ataatsimi allassimallutik, taava Air Greenlandip unnuinerit, nerisaqarnerit aamma angallanneqassaguit angallanneqarnerit malittarisassat atuuttut malillugit matussusissavai.
Bilitsit ingerlatsivimmit allamit pisiat:
Air Greenlandip hotelimi unnuineq, nerisaqarneq imaluunniit allat tikiffimmi aningaasartuutit matussusissanngilai timmisartuussisarfimmik allamik ingerlaqqinnissat annaagukku.
Air Greenlandip aammattaaq timmisartuussisarfinni allani ilaanissamut bilitsimik allannguilluni inniminniineq isumagissanngilaa.
Nunap immikkoortuini timmisartuussisarneq
Air Greenlandip ilaasut unnuinerminni nerisaqarnerminnilu aningaasartuutaat matussusissanngilai nunap immikkoortuini illoqarfiup aamma nunaqarfiup akornanni timmisartuussineq taamaatinneqarpat imaluunniit kinguaattoorpat, aamma ilaasoq ilaquttamini imaluunniit nalunngisamini unnuiffissaqanngippat.
Air Greenlandip ilaasut akunnittut aningaasartuutaat matussusissavai nunap immikkoortuini timmisartuussinermi pissusissaanngitsumik pisoqartillugu, tassa ilaasoq timmisartornissaminut inniminniisimanermini ullormi tassanerpiaq Air Greenlandip angallaviani, aamma pissusissamisuunngitsumik pisoqarnerata kinguneranik kinguaattoorluni takkuttoqartillugu aamma taamaatitsineq/allanngortitsineq angallavinni nalinginnaasuni tamanna pippat.
Qanoq ittoqartillugu Air Greenland matussusiineq ajorpa?
Air Greenlandip nunaqarfinni akunninnermi aningaasartuutinik matussusiineq ajorpoq.
- Allatigut taartisiaqartitsisoqarneq ajorpoq qulaani aningaasartuutit taaneqareersut saniatigut unnuinermut, nerisaqarnermut aamma akunniffimmi angallanneqarnermut.
- Illit ingerlaqqinnerit timmisartuussisarnermik ingerlatsivinni immikkut ittuni inniminniisarfinni pisimappat imaluunniit allat angallatit atorlugit pissappat (soorlu assersuutigalugu qimuttuitsunik, bussinik, umiarsuarmik imaluunniit biilinik) imaluunniit
- Angalanissaq ataatsimut bilitsimi ataatsimi Air Greenlandimit pisiarineqarsimanngippat.
Interline-bilitsit:
Interline-bilitseqaruit taava bilitsit taamaattut pillugit malittarisassat atuakkit uani
Malittarisassat sukumiinerusumik atuarneqarsinnaapput uagut angallassinermut malittarisassaatitsinni.
Qujavugut paasinnilluaravit, qilanaaraarpullu timmisartumut tikilluaqqunissat.