Meeqqat marlunnik ukioqalersimanngitsut immikkut issiaveqarneq ajorput, inersimasumillu 15-niit qummut ukiulimmit sarliarneqassallutik. Meeraq isumannaallisaatitut qitequtaasamik annanniummillu immikkut tunineqassaaq.
Airbus-itsinni Københavnimiit Kangerlussualiartaammi, paarlattuanillu, meeraaqqanut qulingiluat ataallugit qaammatilinnut, 11 kg-nik oqinnerusunut 65 cm-illu angullugit takissusilinnut innanngavinnik peqarpoq. Taanna aallarfissaq minnerpaamik nal.ak. 24-t sioqqullugit inniminneerneqarsinnaavoq, puigorsimagussiuk tunniussinermi apeqqutigisinnaavarsi.
Meeraaqqat
Siunnersuutigaarput meeraq inoorlaaq peqqissoq timmisartoqqaassaguni minnerpaamik ullunik arfineq marlunnik utoqqaassuseqassaaq. Napparsimavik nakorsarluunniit isumasiorsinnaavatit. Nangilersuinermut atortumik meeraaqqanullu innanngavimmik kivittakkamik nassarsinnaavutit.
Meeqqat marluk inorlugit ukiullit
Meeqqat marluk inorlugit ukiullit inersimasumut bilitsip, akileraarutit akitsuutillu ilanngunnagit, 90%-ianik (akikinnermi, tassa akisunermiunngitsoq) akeqarput. Immikkut issiaveqarneq ajorput, inersimasumillu 15-niit qummut ukiulimmit sarliarneqassallutik. Meeraq isumannaallisaatitut qitequtaasamik annanniummillu immikkut tunineqassaaq.
Meeraaqqamut timmisartumi inissami Akisunermi (Premium aamma Premium Flex) bilitsisisoqarsinnaavoq. Immikkut issiaveqassanngilaq (saniatigulli pisiarineqarsinnaavoq) inersimasumillu 15-niit qummut ukiulimmit sarliarneqassaaq. Akisunermi meeraaqqamik angalaqateqassaguit taanna meeqqatut inniminniissunneqassaaq. Malugeqquneqarpoq Akisunermi (Premium) meeqqanut akikilliissuteqanngimmat.
Inersimasoq ataaseq taamaallaat meeqqamik ataatsimik marluk inorlugit ukiulimmik angalaqateqarsinnaavoq.
Inersimasoq ataaseq taamaallaat meeqqamik ataatsimik marluk inorlugit ukiulimmik angalaqateqarsinnaavoq. Meeraaqqanik marluk inorlugit ukiulinnik angalaqateqarniaraanni inersimasumik allamik angaqateqartariaqassaaq. Tamannalu peqqutaavoq timmisartup qimagutitsineqassagaluarpat inersimasup ataatsip meeraq ataaseq isumagisussaammagu.
Meeqqanut marluk inorlugit ukiulinnut marlunnut akigititaq
Meeqqap aappaa meeqqatut 12-it inorlugit ukiulittut akiliissaaq. Taanna nammineq issiavimmi issiasinnaassaaq, imaluunniit biilini atorneqartartumi issiavimmi nammineq nassarneqartumi timmisartullu issiavianut aalajangerlugu ikkussami issiassaaq. Issiaviup taassuma takissusaa silissusaalu annerpaamik 65 cm-ussaaq, 45 cm-llu tikillugit portussuseqarluni. Issiavik siumut kingumulluunniit sammisinnaassaaq.
Meeqqat marluniit aqqanilinnut ukiullit
Meeqqat marluleereernikut sulili aqqanilinnik ukioqioqalersimanngitsut inersimasup bilitsiata, akileraarutit akitsuutillu ilanngunnagit, 50%-ia tikillugu akikilliiffigineqarsinnaapput. Malugeqquneqarpoq Akisunermi (premium aamma Premium Flex) meeqqanut akikilliissuteqanngimmat.
Meeraaqqanut innanngavimmik inniminniineq
Airbus-mi Københavnimiit Kangerlussualiartaammi, paarlattuanillu, meeraaqqanut qulingiluat ataallugit qaammatilinnut, 11 kg-nik oqinnerusunut 65 cm-illu angullugit takissusilinnut innanngavinnik peqarpoq. Taanna aallarfissaq minnerpaamik nal.ak. 24-t sioqqullugit inniminneerneqarsinnaavoq, tassa ukunani: allaffitsinni, angalatitsivimmi imaluunniit saaffiginnittarfimmi +299 70 12 12–mi. Atornera akeqanngilaq, taamaallaalli akikinnermi atorsinnaalluni.
Meeqqanut aneerussiviit aamma aneerussiviit patitittakkat
Aneerussiviit puussianut taakkununnga naatsorsuussanut poortorluarsimassapput.
Aneerussivit patitittakkat patitivinneqarsinnaasut akeqanngitsumik nassarneqarsinnaapput. Taakku tunniussinermi atermik nalunaaqutserneqassapput, timmisartumullu ikiartulivinnermi timmisartup usisarfianiittussatut tunniunneqassapput.
Ingiallorteqarsinnaaneq
Meeraq ingiallorteqassappat, ingiaqatissaa sillimaniarneq peqqutigalugu 16-nik ukioqalereersimassaaq.
Nerisassat
Kalaallit Nunaanniit Danmarkimut, paarlattuanillu, angalassagaanni aallarfissaq minnerpaamik nal.ak. 48-t sioqqullugu meeraaqqanut imal. meeqqanut nerisassanik inniminniisoqarsinnaavoq. Angalanissap inniminneernerani aamma tamanna pisinnaavoq, paasissutissat uani atuakkit.
Aliikkutassat
Meeqqanut annerumaanut titartakkanik filmilianik aamma nipilersuutinik aliikkutassaqarpoq, paasissutissat uani atuarsinnaavatit.
Nangilersuivik
Timmisartorsuarmi minnerpaamik perusuersartarfik ataaseq nangilersuisarfeqarpoq